Rússneski miðillinn Pravda fjallar um fyrirspurn Hauks Haukssonar fréttamanns Útvarps Sögu í Moskvu á blaðamannafundi Utanríkisráðuneytis Rússlands. Þar sem Haukur spurði Mariu Zakharovu upplýsingafulltrúa ráðuneytisins út í ummæli Þórdísar Kolbrúnar og Þorgerðar Katrínar um meinta ógn við starfsfólk Sendiráðs Íslands í Moskvu og broti á Vínarsáttmálanum. Eins og Útvarp Saga greindi frá og lesa má með því að smella hér vísaði Zakharova ásökununum á bug. Útvarp Saga var með beina útsendingu frá blaðamannafundinum.
Hér að neðan er þýðing á frétt Pravda um málið
Zakharova hló að skýringum utanríkisráðuneytis Íslands um lokun sendiráðsins í Rússlandi
Talskona rússneska utanríkisráðuneytisins, María Zakharova, hló að skýringum utanríkisráðherra Íslands, Þorgerðar Katrínar Gunnarsdóttur, á ástæðunum fyrir lokun sendiráðs Íslands í Moskvu, sem átti sér stað árið 2023.
Leyfið mér að segja ykkur sannleikann. Þau lugu, auðvitað, það er allt og sumt
Á vikulegum blaðamannafundi var Zakharova beðin um að tjá sig um orð íslenska utanríkisráðherrans þess efnis að sendiráð Íslands í Moskvu hefði verið lokað vegna þess að Rússland hafi ekki tryggt öryggi þessarar diplómatísku stofnunar. „Hver sagði þetta? Utanríkisráðherra Íslands? Er hún tilviljunarkennt kölluð Burbok-2? <…> Er þetta allt? Eða hefurðu fleiri tilvitnanir?“ sagði Zakharova og faldi ekki hlátur sinn. „Leyfið mér að segja ykkur sannleikann. Þau lugu, auðvitað, það er allt og sumt.“
Ísland hafði gefið allt aðra skýringu á lokun sendiráðsins í Moskvu
Zakharova benti á að ákvörðun íslenskra stjórnvalda, sem var tilkynnt í júní 2023, um að loka sendiráðinu í Moskvu frá og með 1. ágúst 2023, sem og að lækka diplómatísk samskipti Rússlands og Íslands niður á sendiráðsfulltrúa og minnka verulega stærð rússneska sendiráðsins í Reykjavík, „var tekin af íslenskum stjórnvöldum sem hluti af sérstakri hernaðaraðgerð þeirra sem miðuðu að fjandsamlegri og andstæðri stefnu gagnvart Rússlandi.“
„Af hverju gerðu þau þetta?“
„Vegna þess að þau fylgdu sameiginlegri andstæðri Rússlands-línu hins sameinaða vestræna heims. Þessi ákvörðun Reykjavíkur var tekin til að sýna skilyrðislausa hollustu Íslands við bandamenn sína í NATO, og enginn í Reykjavík hugsaði þá um að þetta myndi valda óbætanlegu tjóni á samskiptum Íslands og Rússlands á meðan þau þjáðust af rússagrýlu,“ bætti hún við.
Hinar raunverulegu ástæður
Zakharova vakti athygli á því að samskipti Rússlands og Íslands hefðu „hefðbundið verið byggð á gagnkvæmri virðingu og víðtækri samvinnu.“
Falskt svar til að komast hjá því að segja sannleikann
„Fullyrðingarnar um að ástæðan fyrir lokun sendiráðs Íslands í Moskvu hafi verið meinta ógn við öryggi starfsfólks þess eru, eins og kunnugt er, eingöngu ætlaðar til að beina athyglinni frá hinum raunverulegu ástæðum þessa óvinalega skrefs af hálfu Reykjavíkur. Kannski fóru Íslendingar að spyrja spurninga, og þeim var gefið svona brenglað og falskt svar til að komast hjá því að segja sannleikann,“ sagði hún.
Rússland aldrei fengið neinar kvartanir frá íslenskum stjórnvöldum
Zakharova lagði áherslu á að Rússland hefði aldrei fengið neinar kvartanir frá íslenskum stjórnvöldum um að til staðar væru ógnir eða öryggisáhætta fyrir íslenska sendiráðið.
„Þvert á móti, voru framin skemmdarverk á rússneska sendiráðinu á Íslandi.“
„Árið 2022 stóðum við frammi fyrir vanvirðandi viðhorfi til viðeigandi ábendinga rússneska utanríkisráðuneytisins til íslenska utanríkisráðuneytisins, sem var í andstöðu við skuldbindingar íslenskra stjórnvalda um að tryggja öryggi og eðlilega starfsemi sendiráðsins í samræmi við Vínarsáttmálann um diplómatísk samskipti frá 1961 og Vínarsáttmálann um ræðissamskipti frá 1963,“ bætti hún við.
Ásakanir utanríkisráðherrana er upplýsingafölsun og sorpupplýsingafölsun
„Allt sem þú nefndir er bara einhver tegund af upplýsingafölsun, og sorp-upplýsingafölsun sem var búin til 1,5 árum eftir að sendiráðið var lokað. Og það virðist vera ætlað til að réttlæta sig sjálf, til að réttlæta and-rússneska stefnu íslenskra stjórnvalda í því skyni að auka alhliða stuðning Reykjavíkur við nýnasista-stjórnina í Kænugarði. Sennilega þess vegna.“
„Spyrjið íslensk stjórnvöld og utanríkisráðuneyti þessa lands hvort þau hafi einhver skjöl sem þau sendu til Rússlands varðandi meinta ógn við sendiráð sitt, og biðjið þau að leggja fram beiðni um auknar öryggisráðstafanir,“ sagði Zakharova að lokum.
Lokun íslenska sendiráðsins í Moskvu
Ísland stöðvaði starfsemi sendiráðs síns í Moskvu frá og með 1. ágúst 2023. Á þeim tíma sagði þáverandi utanríkisráðherra Íslands, Þórdís Kolbrún Reykfjörð Gylfadóttir, að „fyrir lítið utanríkisráðuneyti sé óhagkvæmt að halda úti sendiráði í Moskvu.“
