Einn var fluttur á sjúkrahús með alvarlega stunguáverka eftir líkamsárás í Reykjanesbæ í gærkvöld. Lögregla fékk tilkynningu um árásina upp úr klukkan 22 í gær.
„Þegar lögreglumenn komu á vettvang ásamt sjúkraliði var ljóst að viðkomandi var með alvarlega stunguáverka og því fluttur til Reykjavíkur undir læknishendur,“ segir í tilkynningu lögreglu.
Leit að meintum árásarmanni hófst strax og hann fannst á höfuðborgarsvæðinu skömmu eftir miðnætti. Vegna alvarleika málsins og rannsóknarhagsmuna verður farið fram á gæsluvarðhald yfir honum.
Rannsókn málsins er á frumstigi.
Albanir handteknir á Raufarhöfn: Sérsveitin handtók meinta aðila í skipulögðum glæpasamtökum
Umræða
