Einn með 42 milljónir í lottóinu í kvöld

 
Einn stálheppinn Lottó spilari var einn með allar aðaltölur réttar í útdrætti kvöldsins og hlaut fyrir það 42 milljónir. Miðinn góði var keyptur í Olís á Reyðarfirði.
Fjórir heppnir miðaeigendur skiptu bónusvinningnum sín á milli og fékk hver um sig rúmar 146 þúsund krónur. Miðarnir voru keyptir á eftirtöldu stöðum; Olís í Keflavík, Euro Market á Smiðjuvegi í Kópavogi og tveir á lotto.is.
Einn var með fjórar réttar tölur í Jókernum og fær 100 þúsund kall. Miðinn var keyptur inn á lotto.is.