Það helsta frá lögreglu í dag er að fimm gistu í fangaklefum þegar þetta er ritað og 49 mál skráð á tímabilinu. Sex ökumenn voru stöðvaðir í umferðinni á flestum varðsvæðum og færðir í blóðsýnatöku vegna aksturs undir áhrifum áfengis eða fíkniefna.
Lögreglustöð 1
Tveir rúmenskir karlar handteknir grunaðir um vasaþjófnað í miðborginni. Þeir komu til landsins deginum áður og grunar lögreglu sterklega að þeir hafi komið einvörðungu til lands til þess að fremja auðgunarbrot. Vistaðir í klefa og verða mál þeirra rannsökuð betur á dagvinnutíma.
Tilkynnt um mann í annarlegu ástandi vera að öskra í íbúðagötu. Sá reyndist vera víðáttuölvaður ferðamaður sem gat ekki gert grein fyrir hver hann væri né hvar hann væri til húsa. Hann gat ekki valdið sjálfum sér eða að öðru leyti sýslað með eigin tilveru og var því vistaður í klefa.
Ökumaður stöðvaður í umferðinni. Hann reyndist vera undir áhrifum fíkniefna þar sem fíkniefni fundust einnig í bifreiðinni. Hann grunaður um sölu og dreifingu fíkniefna og því vistaður í klefa.
Lögreglustöð 3
Tilkynnt um þrjú hnupl í matvöruverslunum með stuttu millibili. Öll málin afgreidd á vettvangi.
