Gott kvöld á SÝN er ferskasta og skemmtilegasta efnið í íslensku sjónvarpi í dag
Í vetur hefur sjónvarpsstöðin SÝN kynnt nýjan spjall- og skemmtiþátt sem hefur tekið föstudagskvöld landsmanna með trompi og rúmlega það:
Gott kvöld heitir Þátturinn, sem hóf göngu sína þann 14. nóvember og fyrsti þátturinn, fyrir viku síðan, kom virkilega á óvart vegna þess að hann var einfaldlega svo skemmtilegur og ferskur. Skemmtiþátturinn Gott kvöld í gærkvöld, var einnig frábær og einstaklega fyndinn og vandaður.
Gott kvöld er Í raun eini alvöru skemmtiþáttur sem hefur þann sjarma á Íslandi, undanfarna áratugi, laus við aulahúmor og pólitískan rétttrúnað góða fólksins, það er engin woke innræting eða annar áróður í þættinum. Gott kvöld er nú þegar orðinn miðpunktur afslappaðrar og persónulegra samræðustunda í sjónvarpi án yfirborðslegrar framkomu og fyrirsjánleika. Þáttur þar sem gestir og áhorfendur fá að njóta hlýju, húmors og afslappaðs samtals á mannlegum og léttum nótum.
Þáttarstjórnendur sem brillera
Þáttastjórar Gott kvöld eru Benedikt Valsson, Fannar Sveinsson og Sverrir Þór Sverrisson (Sveppi), þrenna sem sameinast frábærlega í að skapa traust og léttan tón í þáttunum. Þeir brillera hver á sínu sviði og ná að gera alvöru skemmtun úr samskiptum við viðmælendur sína, hlusta og leyfa umræðum að þróast á persónulegan og hlýjan hátt. Þessi nálgun hrífur áhorfendur inn í heim þar sem hver þáttur er eins og notalegt kvöldverðarsamtal eða gott partý, þar sem ekki er bara yfirborðsleg sýndarmennska, heldur dýpt, hlýja og húmor.
Hljómsveit þáttarins er frábær og heldur stuðinu gangandi út allan þáttinn ásamt þáttarstjórnendum og gestum þeirra, hvílík stemming, hvílíkur léttleiki og skemmtun fyrir áhorfendur hefur ekki sést lengi.
Þátturinn lofar mjög góðu fyrir þá sem vilja horfa á skemmtiþátt þar sem hlátur, léttleiki og hlýja mætast og líklega verður þátturinn langlífur, þar sem hann uppfyllir allt sem góður skemmtiþáttur þarf að hafa og er að auki laus við alla samkeppni á Íslandi, þegar að því kemur.
Samfélagsumræða lituð léttleika og húmor
Einn af styrkleikum Gott kvöld er fjölbreytni í vali á gestum þáttarins og gestir koma héðan og þaðan af landinu og m.a. úr atvinnulífinu. Það er nýbreitni frá því sem við eigum því að venjast t.d. hjá RÚV, þar er alltaf sama góða fólkið að segja sömu hlutina og nánast alltaf gestir eingöngu úr miðborginni.
Gott kvöld undirstrikar mikilvægi þess að skapa breiðan vettvang þar sem fólk getur rætt um samfélagsmál, persónulega reynslu og það sem skiptir máli á léttum nótum. Áhorfandinn upplifir sig ekki vera í „stúdíó“ heldur meira svona eins og í góðum félagsskap heima í stofu og bara eins og hann sé hluti af góðu partýi. Þetta gerir þáttinn að frábærri upplifun, sem er kærkomin eftir langa vinnuviku og ef eitthvað er, þá mætti þátturinn alveg vera aðeins lengri, svo áhorfendur fengju að njóta hans lengur.
Gott kvöld á framtíðina fyrir sér
Með fyrstu þáttunum hefur Gott kvöld sannað að það er langt frá því að vera „annað kvöld“. Þátturinn lofar mjög góðu. Ef SÝN heldur áfram að þróa þáttinn með sömu gæðum fyrir gesti og áhorfendur, er ljóst að Gott kvöld gæti orðið fastur liður í íslensku sjónvarpi. þáttur sem fólk hlakkar til að horfa á, spjalla um og tengjast í gegnum. Gott kvöld fær fimm stjörnur af jafn mörgum mögulegum hjá Fréttatímanum
