Vikinglotto – 1. vinningur til Íslands – 439 milljónir
Það verða sannarlega gleðileg jólin hjá ljónheppnum Íslendingi sem var einn með 1. vinning þegar dregið var í Vikinglotto í kvöld. Þessi lukkunnar pamfíll er með tölurnar sínar í áskrift og má því eiga von á símtali á morgun þar sem honum verður tilkynnt um vinning upp á nákvæmlega 438.930.000. Er þetta næst hæsti vinningur sem komið hefur á einn miða hérlendis.
2. vinningur gekk einnig út og fór hann til Noregs, hljóðaði hann upp á rúmlega 21,6 milljónir. Hinn al-íslenski 3. vinningur fór svo til miðaeiganda sem verslaði í Fjarðarkaupum í Hafnarfirði, upphæð hans er rúmlega 4,1 milljón.
Af Jóker er það að segja að enginn var með 1. vinning en tveir voru með 2. og fá þeir 100 þúsund krónur hvor. Annar miðinn var keyptur í Versluninni Borg í Grímsnesi en hinn í Appinu.
