Sex eru vistaðir í fangageymslu þegar þetta er ritað í morgunsárið en helstu mál lögreglu voru eftirfarandi:
Tilkynnt um þjófnað úr verslun. 3 aðilar að verki, málið leyst á staðnum.
Tilkynnt um tvo aðila á skemmtistað í miðbænum og að annar þeirra væri með skotvopn í buxunum. Vopnuð lögregla ásamt sérsveit handtóku mennina skömmu síðar þar sem þeir voru komnir í bifreið. Kom í ljós að um eftirlíkingu úr málmi var að ræða . Einnig voru aðilarnir með fíkniefni á sér og annar þeirra grunaður um akstur undir áhrifum fíkniefna.
Aðili handtekinn grunaður um sölu fíkniefna, laus að lokinni skýrslutöku.
Aðili handtekinn vegna ofbeldis í heimahúsi, einnig nokkuð ölvaður og verður tekin skýrsla af honum þegar rennur af honum.
Aðili handtekinn vegna ofbeldis í heimahúsi, sá reyndi einnig að slá til lögreglumanns.
Aðili handtekinn stutt frá vettvangi þar sem tilkynnt var um innbrot. Þá voru öryggisverðir að fylgjast með honum og kom þá fram að hann væri mjög ölvaður og að reyna að komst inn í bifreiðar í nágrenninu. Reyndist þetta vera aðili sem lögregla hafði haft afskipti af fyrr um nóttina vegna ölvunar. Þegar komið var á lögreglustöð varð hann mjög ósáttur með að þurfa að vera vistaður í fangaklefa vegna málsins. Endaði hann á því að hóta lögreglumanni öllu illu og reyndi að sparka í annan.
