Hugleiðingar veðurfræðings
Í dag og næstu daga verður vindáttin lengst af suðlæg og strekkings vindur inn á milli. Fremur vætusamt, mest úrkoma um landið suðaustanvert og má gera ráð fyrir talverðri rigningu á köflum á þeim slóðum.
Norðurland og þá einkum norðausturland sleppur hvað best frá mestu úrkomunni og þar verður líka einn hlýjast. Hámarkshitinn næstu daga gæti farið eitthvað ofurlítið yfir 15 stigin þar sem best lætur á Norðausturlandi en hvergi verður sérlega kalt og líkur á næturfrosti litlar sem engar.
Spá gerð: 23.09.2025 06:32. Gildir til: 24.09.2025 00:00.
Veðurhorfur á landinu
Sunnan og suðaustan 10-18 m/s og rigning eða súld, hvassast á norðanverðu Snæfellsnesi, en hægari og þurrt að kalla um norðaustanvert landið. Dregur úr vindi og úrkomu í kvöld og í nótt.
Sunnan og suðaustan 8-15 og skúrir á morgun, en yfirleitt bjart á Norðurlandi.
Hiti 9 til 15 stig, mildast norðan heiða. Spá gerð: 23.09.2025 07:42. Gildir til: 25.09.2025 00:00.
Veðurhorfur á landinu næstu daga
Á fimmtudag:
Sunnan og suðaustan 8-15 m/s og skúrir, en þurrt norðaustanlands. Austlægari og bætir verulega í úrkomu á sunnanverðu landinu eftir hádegi, með talsverðri eða mikilli rigningu suðaustantil, en úrkomuminna norðaustanlands. Hiti 9 til 14 stig.
Á föstudag:
Suðaustan 15-23 og talsverð eða mikil rigning, einkum á suðaustanverðu landinu, en úrkomuminna norðaustanlands. Dregur úr vindi og úrkomu seinnipartinn. Hiti 11 til 16 stig.
Á laugardag:
Suðlæg átt 5-13 og skúrir, en bjart á Norðurlandi. Hiti 8 til 13 stig.
Á sunnudag:
Suðlæg átt og dálítil væta, en vaxandi suðaustanátt og fer að rigna sunnan- og vestanlands síðdegis. Talsverð eða mikil úrkoma sunnantil um kvöldið. Hiti breytist lítið.
Á mánudag:
Útlit fyrir suðlæga átt með rigningu, en lengst af þurrt á Norðausturlandi. Talsverð úrkoma suðaustantil framan af degi. Milt í veðri.
Spá gerð: 23.09.2025 08:17. Gildir til: 30.09.2025 12:00.
