Samþykkt fjárlög frá Alþingi fyrir árið 2026 gerðu ráð fyrir 28 milljarða króna halla á rekstri ríkissjóðs á yfirstandandi ári. Ekki var tekið tillit til skattgreiðslu Coloplast við þá afgreiðslu. Að öllum öðrum forsendum óbreyttum mun þessi ráðstöfun Coloplast því leiða til þess að afkoma ríkissjóðs snúist úr halla í 12 milljarða afgang á árinu.
Í haust mun Kerecis, ísfirski sáraumbúðaframleiðandinn, greiða í formi eingreiðslu 40 milljarða skatt í ríkissjóð Íslands vegna vegna kaupa danska móðurfélagsins, Coloplast, á hugverkaréttindum úr dótturfélaginu. Þetta má lesa út úr árshlutareikningi fyrirtækisins sem birtur var fyrir skemmstu.
Guðmundur Fertram Sigurjónsson, stofnandi Kerecis og nú framkvæmdastjóri hjá Coloplast, staðfestir þetta í samtali við Morgunblaðið sem birti frétt um málið og segir þessa ráðstöfun til marks um þá gríðarlegu verðmætasköpun sem hafi átt sér stað á Vestfjörðum á umliðnum árum.
„Atvinnulífið á Vestfjörðum hefur vaxið hratt síðustu ár og skatttekjur hins opinbera hafa aukist mikið af þeirri ástæðu. Hér sjáum við því í raun ekki tilfallandi einskiptisávinning heldur endurspeglar þetta styrk og samkeppnishæfni atvinnulífsins á svæðinu,“ segir Guðmundur Fertram í viðtali við Morgunblaðið.
Ekkert gagnsæi vegna sölu á sjávarafurðum – Gríðarlegur mismunur á verði
Umræða
