Þegar jólin nálgast fer Reykjavík að taka á sig einstakan ljóma þar sem götur prýðast ljósum, hátíðarstemningin magnast og borgin fyllist af ilmnum af krydduðum kræsingum. Í hjarta borgarinnar, við hinn sögufræga Austurvöll, er að finna sannkallaða jólaperlu: Jólahlaðborð veitingahússins Hjá Jóni.
Veitingastaðurinn, Hjá Jóni, við Austurvöll er staðsettur á einum fegursta, sögulegasta og líflegasta stað borgarinnar, í næsta nágrenni við Alþingishúsið, Dómkirkjuna og trén á Austurvelli þar sem jólastemningin nýtur sín til fulls. Gestir fá ekki aðeins óviðjafnanlega matarupplifun, heldur einnig einstakt umhverfi, þar sem saga, menning og hátíðleg stemning fléttast saman.
Maður finnur sig mjög velkominn á stílhreina og þægilega veitingastaðnum ,,Hjá Jóni“ á hinu glæsilega Iceland Parliament hóteli við Austurvöll, Thorvaldsensstræti 2. Staðurinn býður upp á glæsilegan og bragðgóðan jólamat á matseðli sem og vel út látið jólahlaðborð þessa dagana.
Jólahlaðborðið hjá Jóni er einstaklega glæsilegt og metnaðarfullt. Þar má finna allar klassísku jólaréttina sem Íslendingar þekkja og elska, safaríkt hangikjöt og hamborgarhrygg, ljúffengt ribb, stökkar kartöflur, heimagerðar sósur, fjölbreytt úrval af síld, fiski, salötum og ekki síst dýrindis eftirrétti sem fá flesta til að brosa.
Allt er lagt upp af alúð og fagmennsku og ljóst að hráefnin eru vönduð og matargerðin unnin af miklu næmi fyrir bragði og hefð. Um er að ræða stílhreinan veitingastað á hinu glæsilega Iceland Parliament hóteli við Austurvöll. Hjá Jóni fá bragðlaukarnir ævintýralega upplifun þar sem mætast hágæða hráefni og alþjóðlegir straumar í matargerð ásamt sérvöldum vínum og úrvali kokteila sem hristir eru saman á hinum skemmtilega Telebar.
Fullkomin blanda af nútímalegum stíl og klassískum jólablæ
Andrúmsloftið á veitingastaðnum, Hjá Jóni er hlýlegt og notalegt og fullkomin blanda af nútímalegum stíl og klassískum jólablæ. Starfsfólkið tekur einstaklega vel á móti gestum, þjónustan er persónuleg og fagleg, og gestir finna strax að hér er hugsað um smáatriðin. Þetta er staður þar sem fólk getur slakað á, notið samveru og gleymt dagsins amstri um stund og fundið jólaandann.
Hægt er að skoða myndir og matseðla hjá veitingahúsinu, á heimasíðunni, facebook og Instagram en svo er einfaldlega hægt að upplifa heimsókn á veitingahúsið og panta borð.
Eftir góðan málsverð býður staðsetningin líka upp á hinn fullkomna göngutúr. Það er fátt sem jafnast á við að rölta frá Austurvelli og upp á Laugaveg t.d. og upplifa jólabúning borgarinnar. Eða ganga niður að Höfninni og Hörpunni eða bara taka stuttan hring um miðbæinn þar sem ljósin speglast í gluggum verslana og kaffihúsa. Fyrir þá sem vilja rólegra umhverfi er upplagt að ganga að Tjörninni og njóta kyrrðarinnar undir stjörnubjörtum himni.
Sannkölluð upplifun
Jólahlaðborð Jóns við Austurvöll er því ekki aðeins frábær málsverður, heldur sannkölluð upplifun. Þetta er hinn fullkomni staður fyrir fjölskyldur, vinahópa og vinnustaði sem vilja halda upp á jólin í fallegu umhverfi með framúrskarandi mat og frábærri þjónustu.
Veitingahúsinu Hjá Jón, við Austurvöll, tekst á einstakan hátt að fanga anda jólanna, í bragði, stemningu og upplifun.
