Séra Halldór Gunnarsson í Holti hvetur til úrsagna úr Flokki fólksins og skorar á flokksfólk að skrá sig í Miðflokkinn. Halldór er einn af stofnendum Flokks fólksins
,,Kjósendur flokksins eiga flokkinn með málefnunum sem flutt eru hverju sinni af talsmönnum flokksins, en ekki formaður flokksins. Ólafur og Karl Gauti hafa einarðlega í ræðum og blaðagreinum fylgt eftir baráttumálum flokksins og því vil ég skora á kjósendur flokksins, að fylgja þessum tveimur frábæru þingmönnum til áframhaldandi baráttu innan Miðflokksins fyrir góðum málefnum til hagsbóta fyrir land og þjóð.“ Segir Séra Halldór Gunnarsson í Holti í viðtali við Morgunblaðið í dag.
Þar kemur fram að hann sem einn af aðal mönnum og stofnandi Flokks fólksins hafi reynt að vinna eins vel og hann gat fyrir flokkinn og með Ólafi og Karli Gauta, félögum sínum og máttarstólpum innan flokksins. Hann hafi svo á síðari stigum, hvatt þá til þess að ganga til liðs við Miðflokkinn en það hafi ekki verið ætlun þeirra að hverfa úr sínum gamla flokki af fyrra bragði.
Halldór talar um að Ólafur og Karl Gauti hafi verið þungarvigtarmenn flokksins og unnið mikla og faglega vinnu fyrir hann og augljóst að mikil blóðtaka sé að eiga sér stað með brotthvarfi þeirra. T.d. hafi Karl Gauti náð 8,9% atkvæða og Ólafur Ísleifsson 6,9% atkvæða fyrir flokkinn.
,,Kjósendur flokksins eiga flokkinn með málefnunum, sem flutt eru hverju sinni, en ekki formaður flokksins. Ólafur og Karl Gauti hafa fylgt eftir baráttumálum flokksins.
Fyrir eindregna áeggjan skrifstofustjóra Alþingis sögðu þeir sig úr þingflokknum. Ég tel að skrifstofustjórinn hafi þar farið út fyrir sitt starfssvið og skjöplast í túlkun sinni á þingskaparlögum. Enginn gat rekið þá úr þingflokknum, aðeins meirihluti þingflokksins sjálfs, sem var ekki fyrir hendi í þessu tilviki. Síðan gerist það, að þingforseti útilokar þessa tvo þingmenn frá umræðu í upphafi þingfundar eftir jólaleyfi, þrátt fyrir að þeir hafi fengið boð skrifstofustjóra um þátttöku og svarað því jákvætt.
Við þessar aðstæður taldi ég einsýnt að góð málefnabarátta þeirra ynnist ekki utan flokka og því síður með stuðningi tveggja þingmanna Flokks fólksins. Þegar þingforseti hafnaði því að dr. Ólafur Ísleifsson fengi að tala fyrir hönd tveggja þingmanna utan flokka, með þeirri skýringu að honum hefði ekki borist óskir um það.
Þá óskaði ég eftir fundi með formanni Miðflokksins, Sigmundi Davíð Gunnlaugssyni, til að ræða um hugsanlega komu þessara þingmanna til Miðflokksins með þau mál, sem þeir hefðu flutt á landsfundi flokksins. Að loknum tveimur fundum fullvissaði Sigmundur mig um að þessum málum yrði fylgt eftir af Miðflokknum, kæmu þeir til liðs við flokkinn.“ Sagði Séra Halldór Gunnarsson í Holti.
https://www.fti.is/2019/02/23/karl-gauti-hjaltason-maetti-a-sinn-fyrsta-fund-med-midflokknum/
