Lögmaður hefur setið í gæsluvarðhaldi í viku vegna rannsóknar lögreglunnar á Norðurlandi eystra á skipulagðri glæpastarfsemi og ólöglegum innflutningi á fólki.
Ríkisútvarpið fjallaði ítarlega um málið: „Eins og dómsmálaráðherra hefur lagt fyrir lögregluna í landinu þá erum við að rannsaka skipulagða brotastarfsemi og við höfum undanfarna mánuði hér á Norðurlandi eystra lagt okkur mjög fram við þær rannsóknir,“ segir Skarphéðinn Aðalsteinsson, yfirmaður rannsóknardeildar lögreglunnar fyrir norðan í viðtalinu. ,,Við handtókum lögmann í síðustu viku í þessum rannsóknum okkar og erum að skoða mögulega aðild hans að brotastarfsemi.“
Og hvers konar brotastarfsemi þá? „Það er náttúrulega ýmislegt til skoðunar. Við erum að skoða ólöglegan innflutning á fólki til landsins, til dæmis, hvort að mögulega sé aðild að fleiri öngum af skipulagðri brotastarfsemi, mögulega peningaþvætti og eitthvað fleira.“ Segir Skarphéðinn í viðtali við Rúv.
