Alkahólismi endar bara með dauða eða geðveiki
Ég heiti Gísli Hvanndal Jakobsson og ég er með sjúkdóminn alkahólisma. Sem er ógeðslegur sjúkdómur sem rústar fjölskyldum og öllu lífi þínu. Ég er búin að missa svo marga vini og kunningja úr alkahólisma. Alkahólismi endar bara með dauða eða geðveiki ef einstaklingurinn kemst ekki úr því helvíti sem fíknin er.
Ég þekki til Ingu enda er hún frá Ólafsfirði eins og ég og hún hefur verið mjög opinská í fjölmiðlum um sig og sína fjölskyldu á málþingi SÁÁ:
https://frettatiminn.is/22/11/2024/barnid-mitt-reyndi-ad-svipta-sig-lifi/
Algjör þrumuræða á málþingi SÁÁ um fíknivandann á Íslandi. – Inga Sæland á tvö börn sem eru að kljást við þennan sjúkdóm auk eiginmanns síns sem glímir einnig við parkinsonsveiki. Ég er að skrifa þessa grein til þess að biðja ykkur frá mínum innstu hjartarótum að kjósa Flokk fólksins.
Nóvember næstkomandi. Það er enginn annar stjórnmálaflokkur sem mun beita sér fyrir því að biðlistar á Sjúkrahúsið Vog hverfa. Það deyr fólk í hverri viku úr alkahólisma á Íslandi. Það eiga ekki að vera biðlistar á sjúkrahúsum okkar yfir höfuð og hvað þá Sjúkrahúsið Vog.
Ég er að biðja ykkur um að gefa Ingu Sæland og Flokk fólksins tækifæri til að laga heilbrigðiskerfið, bankakerfið, skattamálin, mánaðarleigu á húsnæðum okkar og húsnæðislánunum sem bankarnir eru að taka heimilin af okkur. Inga Sæland og Flokkur fólksins tala ekki bara um hlutina heldur laga þá ef þau fá tækifæri til þess eins og það hefur sýnt sig með t.d. öryrkja og aldraða sem fá jólabónus þetta árið eins og síðustu ár sem hefði aldrei gerst nema fyrir Flokk fólksins.
Inga Sæland berst fyrir öllum sem eitt en ekki bara hluta þjóðfélagsins eins og gömlu flokkarnir. Inga Sæland berst fyrir okkur, mig og þig sem gömlu flokkarnir gera ekki. Sérðu einhverja breytingu síðustu árin til hins betra? Við þurfum fólk með gullhjarta. Ég bið þig frá mínum innsta kjarna að gefa Flokk fólksins atkvæði þitt á kjördag. Hvort viltu flokk sem hugsar bara um sjálfan sig og sitt fólk eða flokk sem hugsar um ÞIG og alla aðra í landinu?
Hugsaðu þig allavega um það áður en þú kýst einhvern flokk 30. nóvember
Við þurfum að gera Ísland aftur að velferðarkerfi en það gera gömlu flokkarnir ekki. Inga og Flokkur fólksins er svo fullur af sterkri réttlætiskennd, ástríðu og svo miklum heiðarleika sem er svo sjaldgæfur í stjórnmálum.
Viljum við raunverulega breytingu eða bara svikin loforð gömlu flokkana síðustu áratugina áfram? Það verður engin breyting til góðs nema fyrir okkur. Það eru við sem höfum valdið 30. Nóvember. Það erum við sem höfuð valdið til þess að byrja að virkilega að lifa en ekki bara skrimta í þjáningu fjárhagslega og andlega. Inga Sæland er komin af mikilli fátækt og það er engin í stjórnmálum sem við getum tengt við eins og hana og Flokk fólksins.
Þess vegna er hún svona hörð af sér og ákveðin. Hún er ein af okkur. Gefum nýju fólki 4 ár til að gefa okkur betra líf. Bara 4 ár og sjáum þjóðfélagið blómstra á ný. Kærar þakkir fyrir að lesa.
