Stríðsópin gjalla, undirbúningur ESB-þjóða gegn Rússlandi gengur á fullu. Svíar opna vopnaverksmiðju í Úkraínu, Macron og Starmer nota Úkraínu sem afsökun til að skjóta langdrægum eldflaugum á Rússland. Von der Layen gerir allt til að líkjast Aþenu og dælir skattfé og vopnum á stríðsbálið. Carl Bildt fv. forsætisráðherra Svíþjóðar er í hlutverki Göbbels og lætur móðan mása í CNN um hvílík mistök af hálfu Trumps og merki um fávisku að ætla sér að koma á friði í Úkraínu. Stríðið er eina leiðin fram á við skv. Bildt. Stríðsbrjálæðingarnir í ESB eru ekkert á því að hætta við þriðju heimsstyrjöldina.
Þessi athygliverða grein birtist á vefnum Þjóðólfur.is og þar segir jafnframt:
Störukeppnin innan ESB á milli friðarsinna og heimsstyrjaldarsinna magnast með hverjum deginum. Einn þeirra sem stingur friðinn með augnaráðinu er Emmanuel Macron Frakklandsforseti. Hann notar hverja sekúndu til að stigmagna heimsstyrjaldarspennuna á meðan heimurinn heldur niðri í sér andanum.
Tíminn styttist þar til Trump tekur við embætti forseta. Ef stríð brýst út á milli Nató og Rússlands áður en Trump tekur formlega völdin í Hvíta húsinu yrði þriðja heimsstyrjöldin það fyrsta sem Trump yrði tilneyddur að takast á við. Það þýðir að kraftarnir dreifðust sem annars væru í slaginn við djúpríkið í Washington. Stærstu hluthafar þriðju heimsstyrjaldarinnar, BlackRock og Vanguard græða mest ef heimurinn fer í bál og brand.
Stríðsbrjálæðingar og friðarsinnar í Evrópu
Opinberir friðarsinnar eru fáliðaðir meðal leiðtoga aðildarríkja ESB. Olaf Scholz, kanslari Þýskalands, varð nýlega fyrsti vestræni leiðtoginn í tvö ár til að tala beint við Vladimir Pútín. Ríkisstjórnir Ungverjalands undir stjórn Viktors Orbáns og Slóvakíu undir stjórn Robert Fico vinna að því að koma á viðræðum milli Rússlands og Úkraínu.
Bretar hafa veitt Úkraínu leyfi til að nota langdrægar eldflaugar sínar gegn Rússlandi. Varnarmálaráðherra Svíþjóðar, Pål Jonson, tilkynnti á fundi með úkraínska varnarmálaráðherranum Rustem Umjerov, að sænskir skattgreiðendur muni fjármagna úkraínska framleiðslu á langdrægum eldflaugum og drónum.
Engar rauðar línur
Emmanuel Macron Frakklandsforseti klæjar í fingurna að senda Nató-hermenn til Úkraínu til að berjast gegn Rússum, það lagði hann til í vor. Sjálfsagt mál fyrir hann að franskar langdrægar eldflaugar verði notaðar í árásarstríðinu á Rússland.
Jean-Noël Barrot, utanríkisráðherra Frakklands, tilkynnti nýlega í viðtali við breska BBC að engar „rauður línur“ séu til gagnvart stuðningi við Úkraínu. Hann staðfesti að Úkraína hafi fengið leyfi til að nota franskar SCALP langdrægar eldflaugar.
Jean-Noël Barrot, utanríkisráðherra Frakklands í viðtali við BBC. (Skjáskot Youtube/DRM News):
„Við munum styðja Úkraínu eins ákaft og eins lengi og nauðsynlegt er. Hvers vegna? Vegna þess að það er öryggi okkar sem er í húfi. Í hvert sinn sem rússneski herinn sækir fram einn ferkílómetra kemur ógnin einum ferkílómetra nær Evrópu.“
BlackRock og Soros
Að Macron leggi sitt af mörkum til stigmögnunar er glóbaliztum í hag. BlackRock, sem einnig er þátttakandi í WEF, talar fjálglega um gróðann af Úkraínustríðinu. Forstjóri BlackRock, Larry Finck, hefur gert samning við Úkraínu um að stjórna enduruppbyggingu Úkraínu eftir stríðið sem þýðir að þá fellur landið endanlega í hendur glóbaliztanna.
Arftaki stærsta hrægamms veraldar, Alexander Soros sonur Georg Soros, hefur beina hagsmuni af stríðinu. Alex Soros fagnaði tilkynningu Biden um að leyfa langdrægar bandarískar eldflaugar í árásum á Rússland.
