Hæstiréttur staðfesti í dag dóm Landsréttar í máli Dagbjartar Guðrúnar Rúnarsdóttur. Hún var áður dæmd í 16 ára fangelsi í Landsrétti fyrir að verða sambýlismanni sínum að bana.
Dagbjört áfrýjaði til Hæstaréttar og taldi að dómur Landsréttar hefði verið rangur. Hún taldi að dómurinn hefði byggt á því að hún hafi verið sökuð um að beita sambýlismann sinn „margþættu ofbeldi“ og að dánarorsök hans hefði verið „köfnun vegna ytri kraftverkunar á hálsinn og efri öndunarveginn“. Hins vegar hafi hún verið dæmd fyrir manndráp en ekki stórfellda líkamsárás líkt og í héraðsdómi.
Í ákvörðun Hæstaréttar um að taka sakamálið fyrir, sagði að það kynni að hafa verulega almenna þýðingu og samþykkti hann því áfrýjunarbeiðni Dagbjartar. Hæstiréttur staðfesti 16 ára fangelsisdóm Landsréttar og Dagbjörtu er einnig gert að greiða alls tvær milljónir og 460 þúsund krónur í áfrýjunarkostnað.
Dagbjört ákærð fyrir að svipta mann lífi með kvalarfullu ofbeldi
