Miklar deilur hafa verið síðustu mánuði um veiðigjöld sem stórútgerðin er alfarið á móti og hefur m.a. verið með rándýra herferð í fjölmiðlum. Auglýsingar sem margir sérfræðingar segja að séu í falsfréttastíl, þar sem ekkert er minnst á öll byggðarlögin á Íslandi sem kvótakerfið eyðilagði.
Auglýsingarnar eru um hversu óréttlátt er að kvótaþegar sem fá veiðileyfi til aðeins eins árs í senn, greiði fyrir veiðileyfið, til eiganda auðlindarinnar sem veitir þeim afnotarétt.
Ein falsfréttin er að leigugjald fyrir auðlindina sé skattur á stórútgerðina. Staðreyndin er að útgerðin er með greiðsluna frádráttarbæra frá skatti. Varla er hægt að fá skattafrádrátt af skattgreiðslu? Mögulega vill SFS breyta greiðslunni í skatt og e.t.v. er það eitthvað sem fjármálaráðherra þarf að skoða fyrir SFS (LÍÚ)?
Á sama tíma bendir eigandinn, ríkið, (þjóðareign) á að greitt hefur verið með útgerðinni undanfarna fjóra áratugi hundruði milljarða úr ríkissjóði. Leigusalar, þ.e. eigendur eigna á almennum markaði væru eðli málsins samkvæmt ekki sáttir við að greiða milljarða með leigutaka sínum, sem fær full afnot og tekjur af eign eigandans, sem er í þessu tilfelli fiskur.
Þá hafa hagsmunasamtök og sjómenn haldið því fram í jafn marga áratugi að útgerðin hafi gefið upp 30-40% lægra verð fyrir fisk sem veiddur er á Íslandi með tilheyrandi tjóni fyrir þá sem starfa í greininni. Sem og fyrir ríkissjóð og sveitarfélög.
Komið hafa fram tölur um að tjónið nemi nokkur hundruð milljörðum og það er fyrir utan brottkast á fiski sem kvótaþegar telja ekki nógu stóran til að fá nógu gott verð fyrir m.a. Fiski sem er hent í sjóinn, drepst við slíkt lögbrot og er verðlaus og er því tap fyrir eiganda auðlindarinnar, þjóðina.
Ríkisstjórnin hefur nú leiðrétt verðlagninu á fiski með því að miða við markaðsverð á frjáslum markaði, þá hefur verið rætt um afturvirka leiðréttingu t.d. í sambandi við laun sjómanna. Það hefur farið öfugt ofan í stórútgerðina að hinn frjálsi markaður ráði verðlagningunni.
Strandveiði og ufsa veiði spjallið er vefur á facebook, þar sem sérfræðingar í málefnum um sjávarútveg tjá skoðanir sínar. Þar eru yfirleitt menn með mikla reynslu og þekkingu á kvótamálum.
Í könnun sem gerð var á meðal þeirra þann 26. apríl og var dreift víða og mikil þáttaka, enda búið að deila henni 276 sinnum og hefur hún náð til 22 þúsund íslendinga. Kemur fram að 85% vilji afturkalla veiðirétt SFS. Í ljósi þess hvernig SFS hótar eigendum kvótans, Íslensku þjóðinni.
