Rétt fyrir klukkan tvö í nótt var tilkynnt um umferðaróhapp á Vesturlandsvegi við Bauhaus. Bifreið hafði verið ekið upp á hringtorg sem þar er. Ekki urðu slys á fólki en ökumaðurinn er grunaður um ölvun við akstur og var hann vistaður fyrir rannsókn máls í fangageymslu lögreglu. Í ljós kom að annan hjólbarða bifreiðarinnar að framan vantaði og hafði ökumaðurinn ekið á felgunni frá Ártúnsbrekku þar sem tilkynnt var um hjólbarða á akbraut.
Þá var einnig tilkynnt um umferðaróhapp / árekstur á Úlfarfellsvegi. Þar urðu ekki slys á fólki en annar ökumaðurinn er grunaður um akstur bifreiðar undir áhrifum áfengis og fíkniefna, ítrekaðan akstur sviptur ökuréttindum og ofbeldi gegn lögreglu. Ökumaðurinn var vistaður fyrir rannsókn máls í fangageymslu lögreglu.
Ók með þrjú hjól undir bílnum
Umræða
