Kvótakerfið hefur verið umdeilt þá fjóra áratugi sem það hefur verið notað, bæði vegna þess að það hefur ekki skilað neinum árangri og vegna þess að frjáls viðskipti með auðlindina hefur verið mjög umdeild. Þorskveiðar hafa minnkað um helming, humarstofninn er horfinn og loðnuveiðar eru bannaðar svo fátt eitt sé nefnt.
Ólafur Jónsson togaraskipstjóri hefur ítrekað bent á að núverandi kerfi sé ónýtt og ,,nýtist aðeins bröskurum sem selji hvert tonn af sameign þjóðarinnar á milljónir og að kerfið hafi búið til elítu sem oftast eru kallaðir sægreifar.“
,,Þegar búið er að afnema kvótann og fiskur er seldur á markaði mun allt umhverfi sjávarútvegs breytast til hins betra og frelsi einstaklingsins mun aftur verða drifkrafur í sjávarútvegi og eins og fyrir kvótakerfið, mun fyrirtækjum fjölga og má ætla að fólk/bæjarfélög muni nota kunnattu sína og færni til að setja á stofn fiskmarkaði, útgerðir og fiskvinnslur.
Hvaða félagaform yrðu fyrir valinu kemur ríkinu ekkert við, einka fyrirtæki, hlutafélög bæjarútgerðir eða samvinnufélög. Kunna fábjánarnir í Sjálfstæðisflokk Viðreisn og Miðflokki ekki lengur að lifa í FRELSI?“ Segir Ólafur Jónsson
Hann bendir á að Sósíalistaflokkurinn ætli sér að leggja niður kvótakerfið og innkalla allan kvóta sem þjóðin á og uppræta spillinguna. En í stefnuskrá flokksins segir:
,,Að fiskveiðistjórnunarkerfið í núverandi mynd sé afnumið og undið ofan af þeim ójöfnuði og spillingu sem það hefur valdið. Allur kvóti verði innkallaður og nýtt fiskveiðistjórnunarkerfi sett á laggirnar.“
