Hugleiðingar veðurfræðings
Nú með morgninum er útlit fyrir norðanátt hjá okkur, víða á bilinu 8-15 m/s, en 13-20 (allhvass eða hvass vindur) á austanverðu landinu. Það gengur á með éljum á Norður- og Austurlandi. Léttskýjað og fallegt veður sunnan heiða. Kuldinn bítur í kinnar, frost yfirleitt á bilinu 3 til 8 stig í dag. Síðdegis dregur úr vindi og í kvöld styttir upp. Norðanáttin hefur fært kalt heimskautaloft yfir landið. Við aðstæður eins og í kvöld og nótt, í hægum vindi og léttskýjuðu veðri, getur neðsta lag lofthjúpsins kólnað enn frekar vegna útgeislunnar. Við gerum semsagt ráð fyrir að það herði enn á frostinu í kvöld og nótt og líklegt að það nái 20 stigum á nokkrum völdum mælistöðvum, einkum þar sem lægðir eru í landslagi og kalda loftið getur legið kyrrt.
Morgundagurinn heilsar væntanlega þurr og mjög kaldur. Spár gera síðan ráð fyrir að snjókomubakki komin inn á Suðausturland og Suðurland og með fylgi austlæg átt c.a. á bilinu 8-13 m/s. Dregur úr frostinu á þessum slóðum þegar bakkinn kemur á land. Spá gerð: 28.11.2025 06:45. Gildir til: 29.11.2025 00:00.
Veðurhorfur á landinu
Norðan 8-15 m/s, en 13-20 á austanverðu landinu. Él á Norður- og Austurlandi, en léttskýjað sunnan heiða. Frost 3 til 8 stig. Dregur úr vindi síðdegis, syttir upp í kvöld og herðir á frosti.
Breytileg átt 3-8 á morgun, víða þurrt veður og talsvert frost. Austan 5-13 og snjókoma með köflum á Suðausturlandi og Suðurlandi eftir hádegi, hvessir um suðvestanvert landið seint annað kvöld. Spá gerð: 28.11.2025 07:42. Gildir til: 30.11.2025 00:00.
Veðurhorfur á landinu næstu daga
Á sunnudag:
Austan 10-18 á sunnanverðu landinu, en bætir í vind víða um norðanvert landið síðdegis.
Snjókoma eða slydda með köflum, en rigning við suður- og vesturströndina. Þurrt að mestu norðan jökla. Hiti 0 til 5 stig. Hægari vindur norðvestantil, úrkomulítið og frost 0 til 5 stig.
Á mánudag (fullveldisdagurinn):
Austan 8-15, en allhvasst eða hvasst við Suðurströndina. Rigning um sunnanvert landið, en dálitlir skúrir eða él í öðrum landshlutum. Hiti 0 til 5 stig.
Á þriðjudag:
Norðaustlæg átt og dálítil él norðan- og austanlands, en yfirleitt þurrt og bjart á Vesturlandi. Frost víða 0 til 5 stig.
Á miðvikudag og fimmtudag:
Útlit fyrir norðaustlæga átt með strekkingi eða allhvössum vindi með Austurströndinni. Dálítil él eða snjókoma norðan- og austanlands, en yfirleitt þurrt og bjart suðvestantil. Frost víða 0 til 5 stig. Spá gerð: 28.11.2025 08:51. Gildir til: 05.12.2025 12:00.
