Strætó Verkföll 1-5 april

Bílstjórar sem keyra Strætó og vinna fyrir Almenningsvagna Kynnisferða eru að fara í vinnustöðvun í 4 klst á dag frá og með 1 apríl eins og hér segir:

Vinnustöðvun gengur yfir leiðir numer 12, 14, 15, 16, 17, 21, 24, 28, 35 og 36 skv. tilkynningu á vef Eflingar. Samningafundur í dag sem að hefur verið slitið, kom ekki í veg fyrir verkfallið.

Öll vinna er lögð niður dag hvern frá klukkan 07:00 til 09:00 að morgni og aftur frá klukkan 16:00 til klukkan 18:00 síðdegis.

Leiðirnar sem um ræðir munu stöðva á þessum tímum á þrem stærstu stoppistöðvunum:

·         Hlemmur

·         Hamraborg

·         Mjódd

Frá og með 1. apríl 2019 til og með 1. maí 2019 að frátöldum laugardögum og sunnudögum

Bílstjórar munu leggja strætisvögnunum og mynda kröfustöðu fyrir utan þessar stoppistöðvar og við hvetjum ykkur til að sýna þeim samstöðu og skilning.

Þetta er fólkið sem keyrir okkur samviskusamlega alla daga í vinnu, skóla, á sjúkrahús og hvert sem för okkar er heitið. Þeir bera mikla ábyrgð og eru á lágmarkslaunum í erfiðisvinnu sem tekur sinn toll á þeirra öryggi og líðan.

Bílstjórarnir eru að berjast fyrir betri launum, mannsæmandi starfsumhverfi, virðingu vinnuveitenda sinna og aukna aðkomu að ákvarðanatöku.

Barátta þeirra er barátta okkar allra, verkfall þeirra er okkar verkfall.

Styðjum við strætóbílstjóra í verkfalli.

 Verkfallsbrot eru litin alvarlegum augum. Ef þið verðið var við þessar leiðir í keyrslu á þessum tímum má senda póst á verkfallsbrot@efling.is segir á vef Eflingar