Tuttugu starfsmönnum flugfélagsins Play hefur verið sagt upp. Birgir Olgeirsson, upplýsingafulltrúi Play, staðfestir í samtali við fréttastofu rúv sem birti fyrst frétt af uppsögnunum, að til uppsagna hafi komið fyrir mánaðamót. Þær taki til starfsmanna þvert á fyrirtækið.
Birgir segir uppsagnirnar tilkomnar vegna fækkunar farþegaþotna á Íslandi úr tíu í fjórar. Sex vélar verði í leiguverkefnum í Evrópu.
Fjórar flugvélar verða í áætlunarflugi Play frá Íslandi eftir breytingarnar.RÚV / Ragnar Visage
Að sögn Birgis verður vægi skrifstofa fyrirtækisins í Litháen og á Möltu aukið, líkt og fyrirtækið hafi áður gefið út. Breytingar á starfsmannahaldi fylgi í kjölfarið. Skrifstofa á Íslandi verði þó áfram rekin.
Umræða
