Gæsluvarðhald til 22. nóvember
Landsréttur hefur snúið við úrskurði Héraðsdóms Reykjavíkur frá því sl. föstudag og verður karlmanni um tvítugt því gert að sæta áframhaldandi gæsluvarðhaldi til 22. nóvember. Maðurinn var handtekinn á vettvangi miðsvæðis í Reykjavík um þar síðustu helgi í þágu rannsóknar Lögreglunnar á höfuðborgarsvæðinu á alvarlegri líkamsárás og í kjölfarið úrskurðaður í sex daga gæsluvarðhald á grundvelli rannsóknarhagsmuna.
Lögreglan á höfuðborgarsvæðinu lagði síðan fram kröfu í héraðsdómi um áframhaldandi gæsluvarðhald yfir manninum á grundvelli almannahagsmuna, en henni var hafnað. Þeim úrskurði hefur nú verið snúið við í Landsrétti eins og áður sagði.
Maðurinn hefur verið handtekinn og færður í gæsluvarðhald.
Umræða
