Það er alveg stórmerkilegt að á flokksráðsfundi Vinstri grænna, var samþykkt ályktun þar sem því var beint til ríkisstjórnarinnar að verðtrygging lána yrði afnumin hið fyrsta.
Þar sagði: „Á landsfundinum var rætt um að fela fjármálaráðherra að láta semja áætlun um afnám verðtryggingar lána,“ sagði Lilja Mósesdóttir, þingmaður Vinstri grænna. „Það er verið að ræða það meðal stjórnarliða á þingi að efnahags- og skattanefnd taki þetta mál sérstaklega fyrir. Það er verið að þrýsta á að farið verði út í þessa vinnu sem fyrst.
Ég hef bent á að nefndin sem taka á á skuldavanda heimilanna og ég sit í dugi ekki til,“ sagði Lilja í viðtali við Moggann. Lilja lagði til að vextir á fasteignalánum yrðu fastir í fimm ár þegar að verðtryggingin hefur verið afnumin. „Ég tók húsnæðislán í Svíþjóð upp úr 2000. Þar voru vextir fastir í fimm ár sagði hún og að áhættunni af lánastarfsemi ætti að deilt meira milli lánveitanda og lántakanda. ,,Ef vextirnir breytast daglega 
yrðum við í sama kerfinu sem tryggir bara lánveitendur gagnvart verðbólgu.“
Þarna var allt VG fólkið, Katrín Jakobsdóttir, Steingrímur J. Sigfússon og Co. í fremstu línu og lögðu ofur áherslu á að afnema verðtrygginuna. En þetta var fyrir sléttum tíu árum og núna þegar að VG hefur forsætisráðherrastólinn, er allt annað hljóð í skrokknum, eiginlega helvíti falskt hljóð í öllum málum og láta XD valta yfir sig á öllum sviðum. Þó svo að þetta VG-lið hafi slegið um sig í fjölmiðlum árið 2009 undir yfirskriftinni: ,,Flokksráð VG vill afnám verðtryggingar sem fyrst.“ Já það vantar oftast ekki yfirlýsingarnar þegar að þarf að ljúga út atkvæðin!
Þá er ekkert að marka þessa yfirlýsingu frekar en annað hjá flokknum, sem að lætur allt yfir sig ganga. Allt fyrir stólana og launin upp á þriðju milljón á mánuði, skítt með allt annað, öryrkja, eldri borgara og láglaunafólk. Öll stóru orðin, í löngum ræðum á Alþingi, eiðsvarin og undir íslenska fánanum, gasprandi um jöfnuð og að fólk gæti ekki beðið lengur eftir réttlæti, eru löngu dauð og ómerk, eins og VG-flokkurinn verður líka, mjög bráðlega.
Katrín nefndi sjálf á dögunum, að hún líkti sjálfri sér við framsóknarmanninn Steingrím Hermannsson, heitinn, f.v. forsætisráðherra og sagði að hún ætlaði að gera eins og hann gerði á sínum tíma, bara halda friðinn og stólunum, alveg sama hvað gengi á. Þá datt mér í hug kúgaða og lúbarða eiginkonan sem að hafði ekki í önnur hús að venda og lét allt yfir sig ganga, samúð mín var hjá henni þá, og er núna hjá Katrínu og hennar meðráðherrum sem að láta líka kúga sig með allskonar bulli eins og afslátt af veiðigjöldum, svik við öryrkja og eldriborgara og launþega, afnám bankaskatts fyrir einkavinavæðingu, hvalveiðum, laxeldi, virkjanir og mengun, Nató, einkavinavæðingu og hefðbundna spillingu og kapítalískum áherslum eins og 22% fjármagnstekjuskatti ofl. á kostnað þjóðarinna. Núna er næsta rán í uppsiglingu, það er þjóðarsjóður sem að á að ræna innan frá, eins og bankana forðum, allt í boði hins lúbaðra VG flokks í spiltasta landi af Norðurlöndunum, áttunda árið í röð.
,,101 Reykjavík verður eins og Djúpavík á Ströndum um 1940“
Ríkisstjórnin sem að Katrín stýrir núna, þarf að velja á milli þess að afnema verðtrygginguna strax eða að hér verði hörð langtíma- verkföll. Núna eru hæg heimatökin, ef að það væri eitt orð að marka Katrínu varðandi verðtrygginguna. Verðtryggingin og okurvextirnir eru rót alls vanda á Íslandi og er bara fyrir auðvalds- og arðráns klíkuna. Verðtryggingin mun kosta þjóðina það, að innan skamms verður búið að leggja ferðaiðnaðinn alveg í rúst.
101 Reykjavík verður eins og næsta Djúpavík á Ströndum um 1940, tóm hús og hótel um alla borg sem að voru áður leigð milljónum af ferðamönnum, og hótelin og allar verslanirnar fara lóðbeint í gjaldþrot.
Ekkert mun verða eftir nema minningarnar um stórhuga ferðaiðnað, s.b.r. tóftirnar sem að nú er hægt að skoða í Djúpuvík af verksmiðjunni sem að var byggð upp af sömu eljusemi. Þar inni er búið að gera myndarlegt safn sem að sýnir hvernig allt var árið 1940. Svipuð plaggöt væri hægt að fá lánuð úr þættinum 101 Reykjavík, með Gísla Marteini á Rúv, en þar eru líklega bestu heimildir um líf og störf fólksins í hundrað og einum og hægt væri að búa til góð söfn úr tómum hótelum eins og gert hefur verið með verksmiðjuna í Djúpuvík.
Hrunið mun hefjast núna á næstu dögum þegar að það fréttist erlendis að íslenska hagkerfið sé ónýtt, með ónýtan gjaldmiðil og að hér sé ekki hægt að borga fólki laun til þess að taka við ferðamönnum vegna fjármálalegs óstöðugleika og óstjórnar. Þá fara fljótlega að berast réttar upplýsingar út í hinn litla heim, um ástandið á Íslandi, á ljóshraða. Og fyrirtæki ytra munu svo taka ákvarðanir um aðra og öruggari áfangastaði en Ísland, fyrir sína umbjóðendur sem að fara með sína 400 milljarða annað, nóg er framboðið um allan heim á hörðum samkeppnismarkaði um ferðamenn. Þeir vaxa nefnilega ekki á trjánum eins og margir ríkisstarfsmenn halda sem að hafa alla sína tíð unnið á vernduðum vinnustöðum.
Hingað hafa verið að koma 2.0 til 2.5 milljón ferðamenn árlega undanfarin fimm ár en þar áður sáust hér varla ferðamenn. Þannig verður staðan aftur innan tveggja til þriggja ára, vegna þess að siðmenntaðar þjóðir og fyrirtæki sem að íslenskir aðilar eru að eiga samstarf við með innflutning á ferðamönnum, munu hverfa frá þeim óstöðugleika sem að hefur alltaf verið á Íslandi eftir að verðtryggingin var tekin upp. Bólan er spruning í boði vanhæfra stjórnvalda.
Krónan sem að flöktir 20 til 50% upp og niður, mun einnig hjálpa til þess að hingað koma engir ferðamenn meir og þeir munu hverfa jafn fljótt og þeir komu og við getum þá afskrifað þá 400 milljarða sem að þeir koma með inn í hagkerfið á hverju ári. Og komið okkur aftur í moldarkofana, því að engin mun vilja taka þátt í þeirri miklu áhættu sem það er að eiga viðskipti við vanþróað ríki eins og Ísland sem að býr við algerlega vanþróað hagkerfi.
Varðandi kjaraviðræurnar sem eru nú í gangi, þá hefur verið samhljómur með öllum formönnum launþega um allt land og stærstu samtökin sem að vega langmest eru samstíga í kröfum sínum gagnvart ríkinu og SA. Mikil harka hefur einkennt formenn launþega sem að segja að kröfur þeirra séu ófrávíkjanlegar og sanngjarnar.
Ef litið er á kröfugerð Eflingar sem er langstærsta félagið og hin stóru styðja. Þá er farið fram á gagnvart stjórnvöldum að verðtryggingin verði afnuminn auk fleiri atriða sem að eru talin upp hér að neðan. Segjum sem svo að samningar náist við SA, þá verður það samkomulag gert með fyrirvara um að samningur við stjórnvöld náist á sama tíma. Katrín Jakobsdóttir getur núna staðið við stóru orðin en hún hefur ekki staðið við neitt hingað til, þannig að við þurfum ekki að láta okkur dreyma um neitt þaðan. Enda verður hún og hennar flokkur ekki til eftir næstu kosningar miðað við þá óánægju og vonbrigði sem að „hennar“ (fyrrverandi) fólk hefur orðið fyrir eftir að hún sýndi sitt rétta andlit.
Ef það á að leysa kjaramál í eitt skipti fyrir öll, þurfa stjórnvöld, ríkisstjórnin sem að nú situr, að afnema verðtrygginguna með einu pennastriki, eins og var gert þegar að hún var sett á og jafnframt henda krónunni eða í það minnsta að tengja hana við alvöru gjaldmiðil. Zimbabwe dollar er t.d. traustari en krónan og allar aðrar myntir yfirleitt.
Enginn áhugi hefur verið hjá núverandi ríkisstjórn að afnema verðtrygginguna og þegar að lagt var fram frumvarp um afnám hennar á Alþingi, voru t.d. engir þingmenn Sjálfstæðisflokksins, Framsóknarflokksins eða Vinstri Grænna í þingsal og létu þeir ekki sjá sig þegar að málið var lagt fram í þinginu. Ekki einn einasti þingmaður eða ráðherra þeirra flokka mætti og sýndu þannig andúð sína og algert áhugaleysi í verki á afnámi verðtryggingar.
Ríkisstjórnin þarf núna að velja á milli þess, að afnema verðtrygginguna eða fá hér hörð langtíma- verkföll. Það er ekkert annað í boði.
Hér að neðan eru kröfugerðir launþegahreyfinganna eins og þær eru birtar gagnvart viðsemjendum. Fróðleg lesning fyrir þá sem að vilja kynna sér málið, en á meðan ætla ég að skreppa og tryggja mér gult vesti, því mig grunar að þau verði brátt uppseld.
Kröfugerð gagnvart stjórnvöldum
- Þjóðarátak í húsnæðismálum
- Skattfrjáls lægstu laun
- Hærri skattur á arðgreiðslur og aðrar fjármagnstekjur
- Sömu kjarabætur fyrir öryrkja og aldraða eins og launafólk, og færri skerðingar
- Afnám verðtryggingar
- Lengra fæðingarorlof, til að brúa bilið fram að leikskóla
- Opinber heilbrigðisþjónusta, öllum aðgengileg
Kröfugerð gagnvart Samtökum atvinnulífsins
- 425.000 króna lágmarkslaun í lok samningstímans
- Ákvæði sem ógildir samninginn ef ójöfnuður eykst
- Meira lýðræði og meðákvörðunarréttur starfsmanna á vinnustöðum
- Óskert starfsaldursréttindi þegar skipt er um starf
- Stytting vinnutímans í 32 stundir á viku við lok samningstímans
- Sektir fyrir brot á kjarasamningum
- Sömu kjör fyrir öryrkja og aldraða
https://www.fti.is/2019/02/05/vid-getum-ordid-kynslodin-sem-leysti-thjodina-ur-vidjum-okurvaxta-og-verdtryggingar/?fbclid=IwAR0zZMwWi2xkxVBV0vaHge-c16v0WADDA0rQ-ZG4CxFSDAd2sruzB8YA5KM
