Hiti allt að 16 stigum

Veðurhorfur á landinu
Norðlæg átt 8-13 m/s. Rigning eða slydda um norðaustanvert landið, bjart veður á Suður- og Suðvesturlandi, en annars skýjað og úrkomulítið. Hiti 3 til 14 stig að deginum, hlýjast sunnantil á landinu.
Veðurhorfur á landinu næstu daga
Á fimmtudag:
Norðan 5-13 m/s. Skýjað og dálítil úrkoma norðaustantil á landinu, en annars bjart að mestu og þurrt. Hiti 3 til 15 stig, hlýjast á Suðurlandi.
Á föstudag:
Norðaustlæg átt, 5-15, hvassast austast. Skýjað og þurrt fram eftir degi um austanvert landið, en bjart vestantil. Hiti 4 til 16 stig, hlýjast á Suðurlandi.
Á laugardag:
Norðaustlæg átt. Skýjað og dálítil rigning N- og A-til, en bjart með köflum um landið SV-vert. Hiti 4 til 14 stig, hlýjast sunnanlands.
Á sunnudag (hvítasunnudagur):
Norðaustan strekkingur. Skýjað með köflum og þurrt um suðvestanvert landið, en annars skýjað og allvíða dálítil rigning. Hiti 3 til 12 stig.
Á mánudag (annar í hvítasunnu) og þriðjudag:
Útlit fyrir minnkandi norðaustanátt. Skýjað og þurrt að kalla fyrir norðan og austan, en bjart með köflum um landið suðvestanvert. Heldur hlýnandi.
Spá gerð: 04.06.2019 20:12. Gildir til: 11.06.2019 12:00.