Vetrarfærð, éljagangur og skafrenningur er á norðanverðu landinu. Greiðfært að mestu á sunnanverðu landinu en lokað var á milli Núpsstaðar og Hafnar vegna hvassveðurs en búið er að opna veginn.
Vesturland: Allvíða hálkublettir en þó sumstaðar ívið meiri hálka s.s. á Bröttu brekku og Svínadal.
Vestfirðir: Nú í morgunsárið er þæfingsfærð á Þröskuldum en þungfært á Klettshálsi. Hrafnseyrarheiði ófær en til stendur að skoða aðstæður þar í dag. Ófært er norður í Árneshrepp
Norðurland: Vetrarfærð, víðast nokkur hálka eða snjóþekja en ekki fyrirstaða á aðalleiðum. Þó sumstaðar strekkingsvindur með skafrenning og/eða ofankomu. Víkurskarð er ófært.
Norðausturland: Eðlileg vetrarfærð. Verið er að renna yfir og hreinsa vegi eftir nóttina.
Austurland: Helstu aðalleiðir vel færar, ýmisst í hálku eða snjóþekju en upplýsingar vantar þó um Vatnsskarð eystra og nokkra sveitavegi.
Suðausturland: Enn er nokkuð stífur vindur undir Vatnajökli en búið er að opna veginn. Sumstaðar stífur vindur og ekki hægt að útiloka staðbundið sandfok. Slæmar vindhviður hafa verið í Hamarsfirði. Nokkuð hvasst á Suðausturlandi.
Vetrarfærð, hálka, éljagangur, rok og skafrenningur
Umræða
