5 til 13 stiga hiti á morgun

Minnkandi suðvestanátt með morgninum, 5-13 m/s í kringum hádegi og él eða slydduél víða, en bjart austantil á landinu. Hiti um og yfir frostmarki. Gengur í sunnan 13-20 í kvöld og nótt með talsverði rigningu, en úrkomuminna norðaustanlands. Það hlýnar töluvert með þessu, en það er búist við 5 til 13 stiga hita fyrri part dags á morgun, hlýjast í hnúkaþey norðaustantil. Snýst í suðvestan 15-23 síðdegis á morgun með éljum og kólnandi veðri, en rofar til um landið austanvert. Það dregur svo ekki að ráði úr suðvestanáttinni fyrr en á föstudag.
Veðurhorfur á landinu
Minnkandi suðvestanátt, 5-13 m/s í kringum hádegi og él eða slydduél, en bjart austantil á landinu. Hiti um og yfir frostmarki. Gengur í sunnan 13-20 í kvöld og nótt með talsverði rigningu, en úrkomuminna norðaustanlands. Hlýnandi, hiti 5 til 13 stig um hádegi á morgun, hlýjast norðaustantil. Snýst í suðvestan 15-23 síðdegis með éljum og kólnandi veðri, en rofar til um landið austanvert.
Spá gerð: 21.01.2020 05:13. Gildir til: 22.01.2020 00:00.
Veðurhorfur á landinu næstu daga
Á fimmtudag:
Suðvestan og vestan 15-23 m/s og éljagangur, en léttskýjað austantil á landinu. Frost 0 til 4 stig.
Á föstudag:
Suðvestlæg átt, 5-13 m/s og snjókoma eða él, en þurrt austanlands. Vægt frost. Vaxandi suðaustanátt sunnantil um kvöldið með snjókomu og hægt hlýnandi veðri.
Á laugardag:
Hvöss austlæg átt, slydda með suðurströndinni en annars snjókoma. Hiti 0 til 3 stig syðst en annars vægt frost.
Á sunnudag:
Líkur á hvassri suðvestlægri átt, snjókomu norðvestantil framan af degi, annars hægari og él, en bjart með köflum austantil. Kólnandi.
Á mánudag:
Útlit fyrir fremur hæga austlæga átt og bjartviðri í flestum landshlutum. Kalt í veðri.
Spá gerð: 21.01.2020 08:03. Gildir til: 28.01.2020 12:00.