Guðmundur Franklín Jónsson og Guðni Th. Jóhannesson skiluðu í morgun meðmælum í Norðausturkjördæmi fyrir forsetakosningarnar í næsta mánuði. Þeir hafa nú skilað inn listum í öllum kjördæmum, en yfirkjörstjórnir eiga eftir að staðfesta listana og koma þeim til ráðuneytis.
Samkvæmt upplýsingum fréttastofu RÚV er þegar búið að yfirfara listana sem þeir skiluðu í kjördæminu og þeir eru báðir í góðu lagi og enginn annar frambjóðandi hafi gefið sig fram á auglýstum tíma.
Næstu skref yfirkjörstjórna er að fara yfir listana og gefa út vottorð sem skila þarf inn ásamt framboði áður en framboðsfrestur rennur út næsta laugardag.
Umræða
