,,Já við fórum um helgina og fengum fínan urriða, en núna er farið að lifna yfir honum í Brúará. Hann tók í hylnum fyrir neðan Litlahver. Prófaði einnig aðeins í Hvítá en það var of mikill reki og krapi“ sagði séra í Kristján Björnsson í Skálholti er við spurðum frétta af veiði í Hvítá og Brúaránni.
,,Þessi urriði sem veiddist um helgina tók spún og það veiddist líka annar á svæðinu. Opnunin hjá okkur skilaði sjö fiskum og þar af fimm löxum. Feðgarnir Tryggi Guðmundsson og Guðmundur Haukur Jónsson voru að veiða hérna hjá okkur og þetta var frábær byrjun og lofar á góðu“ sagði Kristján enn fremur.
Feðgarnir Tryggvi Guðmundsson og Guðmundur Haukur Jónsson með flottan urriða. Mynd; Kristján
Umræða
