Áður fyrr var aðeins þröngur hópur sem “ var á nálinni“, bara eldra fólk,“ segir óvirkur fíkill í samtali við Fréttatímann
Miklar áhyggjur eru hjá aðstandendum ungra fíkla á Íslandi í dag, vegna þess að kerfið býður upp á mjög fá úrræði fyrir ólíka hópa og aðstandendur treysta ekki stofnunum fyrir börnum sínum.
Vegna þess að börnin geta lent í miklu verri aðstæðum eftir að hafa verið í vist á þeim stofnunum sem að boðið er upp á, á Íslandi heldur en þau voru í áður en til meðferðar kom.
,,Börn sem hafa verið í harðri neyslu um árabil og svo þau sem eru að stíga sín fyrstu spor, í „vægari“ fíkniefnum er blandað saman og jafnframt ólíkum aldurshópum.
Úrræðaleysi og handónýtt meðferðarkerfi stjórnvalda er beinlínis stórhættulegt fyrir áhrifagjörn og óhörðnuð börn sem að hafa engin tök á fíkn sinni og leiðast út í ennþá sterkari efni sem er því miður oft þróunin eftir dvöl á fjársveltum stofnunum ríkisins.“ Segir aðstandandi tánings sem hefur verið skjólstæðingur kerfisins vegna fíkniefnaneyslu.
Fjárskortur og metnaðarleysi stjórnvalda í þessum málaflokki hefur verið á Íslandi um árabil og það er ekkert að breytast. Ástandið hefur farið versnandi ár frá ári og hefur líklega aldrei verið dapurlegra en nú, enda er uppi grafalvarleg staða í málaflokknum skv. könnun Fréttatímans á málefninu.
,,Neysla kannabisefna hefur aukist gífurlega og efnin eru miklu sterkari en á árum áður og neyslan á meðal ungmenna er gífurleg. Fíkniefnin eru markaðssett sem „meinlaus“ efni sem Þau eru að sjálfsögðu ekki og þekkt er í sumum árgöngum í barnaskólum að 80% og upp í 90% nemenda hafi notað fíkniefnin. Fíkniefnasalar geta svo stundað sölu á eiturefnum til yngstu kynslóðarinnar í ró og næði vegna þess að fjársvelt lögregla hefur ekki mannskap í að sinna þeim fíkniefnafaraldri sem að hefur náð hæstu hæðum á landinu.“
Áður fyrr var aðeins þröngur hópur sem “var á nálinni“, bara eldra fólk,“ segir óvirkur fíkill í samtali við Fréttatímann
,,Ekki er mikið talað um þetta, en þetta er samt sannleikurinn, krakkar sem byrja í neyslu í dag eru ekkert að fara úr grasi og í það að taka í nefið.
Nei, þau byrja nefnilega á því að henda sér beint í djúpu laugina, þau hoppa beint út í harða sprautuneyslu.
Auðvitað á þetta ekki við um alla en þetta er bara orðið svo mun algengara en hér áður fyrr þegar að það voru bara eldri aðilar og örfáir yngri að sprauta sig.“
,, Maður er að sjá svo mörg dæmi um það að börn 13-15 ára eru kannski búin að reykja kannabis í nokkrar vikur, fara svo inn á Stuðla eða Vog. Og kynnast þar aðilum sem hafa aðgang að sterkari efnum og fara að umgangast þá aðila og eru strax komin í þessa sprautuneyslu, sem er greinilega orðin einhver tískubylgja á meðal ungra fíkla í dag. Hér áður fyrr voru aðeins þröngir hópar sem “voru á nálinni“, bara eldra fólk og örfá ungmenni.“ Sagði óvirkur fíkill í viðtali við Fréttatímann sem á margar meðferðir að baki og þekkir vel til málaflokksins.
Fram koma á vef SÁÁ eftirfarandi upplýsingar:
,,Á árunum fyrir 1980 sprautuðu íslenskir vímuefnaneytendur sig ekki í æð. Heróín og kókaín voru ekki á vímuefnamarkaðnum og amfetamínið sem hægt hefði verið að sprauta í æð var ekki þannig notað.
Það amfetamín sem notað var hér á landi fékkst hjá læknum og þeir sem neyttu þess voru túradrykkjumenn fæddir fyrir 1950 sem komust aldrei upp á lag með að sprauta efninu í æð. Á þessum árum sáu Íslendingar því bara sprautufíkla í útlöndum.
Það þekktist þó hér á landi eins og annars staðar að örfáir læknar, hjúkrunarfræðingar og lyfjafræðingar sprautuðu sig í æð með sterkum verkjadeyfandi lyfjum.
Með innflutningi á ólöglegu amfetamíni á árinu 1983 skapaðist fyrst grundvöllur fyrir því að sprautufíklar yrðu til á Íslandi. Það voru nær eingöngu stórneytendur kannabisefna sem notuðu amfetamínið sem kom á markaðinn sem amfetamínsúlfat-duft.
Auðvelt var að leysa duftið upp í vatni og sprauta því í æð. Sama ár byrjaði fólk sem hafði sprautað sig í æð með þessum efnum á Íslandi að leita sér lækninga á meðferðarstofnunum fyrir áfengis- og vímuefnasjúklinga.
Sumarið 1983 var gerð nákvæm athugun á vímuefnaneyslu 199 einstaklinga sem innrituðust á sjúkrastöð SÁÁ að Silungapolli. Í hópnum voru allir sjúklingar sem innrituðust á ákveðnu tímabili. 19 einstaklingar, 15 karlar og 5 konur, höfðu notað amfetamín að minnsta kosti einu sinni í mánuði í eitt ár. 9 einstaklingar höfðu notað efnið einu sinni í viku eða oftar í eitt ár eða lengur eða um 5%.
Aðeins 3 þessara einstaklinga höfðu sprautað þessum efnum í æð eða 5% af hópnum. Tveir þeirra höfðu sprautað sig einu sinni til fimm sinnum en einn einstaklingur hafði sprautað sig að jafnaði vikulega í tvö ár.“
———————————————————————————————————————-
https://gamli.frettatiminn.is/2018/09/21/helmingur-thjodarinnar-les-ferskar-frettir-hja-frettamidlum-a-netinu-athygli-vekur-ad-einungis-4-kvadust-helst-saekja-frettir-i-dagblod/
