Kynferðisbrot – gæsluvarðhald til 10. desember
Karlmaður á fertugsaldri var á mánudag í Héraðsdómi Reykjaness úrskurðaður í fjögurra daga gæsluvarðhald, eða til 10. desember, á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á ætluðu kynferðisbroti. Úrskurðurinn hefur verið kærður til Landsréttar. Ekki er hægt að veita frekari upplýsingar um málið að svo stöddu.
Fjögurra vikna gæsluvarðhald
Karlmaður á sjötugsaldri var í dag í Héraðsdómi Reykjavíkur úrskurðaður í fjögurra vikna gæsluvarðhald, eða til 6. janúar, að kröfu Lögreglunnar á höfuðborgarsvæðinu.
Maðurinn er grunaður um fjölmörg brot gegn börnum, þ.e. blygðunarsemis- og barnaverndarlagabrot. Einnig fyrir að reyna að mæla sér mót við börn í kynferðislegum tilgangi. Héraðsdómur féllst á kröfu lögreglustjóra eins og hún var sett fram, þ.e. að uppfyllt séu skilyrði um að ætla megi að kærði haldi áfram brotum á meðan málum hans er ekki lokið og að nauðsynlegt sé að verja aðra gegn brotum hans. Úrskurðurinn hefur verið kærður til Landsréttar. Ekki er hægt að veita frekari upplýsingar um málið að svo stöddu.
