Guðmundur Ingi Guðbrandsson, félagsmála- og vinnumarkaðsráðherra, hefur undirritað reglugerð um desemberuppbót til maka- og umönnunarbótaþega. Óskert desemberuppbót er 50.267 krónur.
Samkvæmt reglugerðinni á einstaklingur sem fengið hefur greiddar maka- eða umönnunarbætur í desember 2021 rétt á desemberuppbót.
Einstaklingur sem fengið hefur mánaðarlega greiðslu alla tólf mánuði ársins fær fulla desemberuppbót. Einstaklingur sem fengið hefur greiðslur skemur en tólf mánuði á árinu 2021 á rétt á hlutfallslegri desemberuppbót í samræmi við þann tíma sem hann hefur fengið greiðslur.
Tryggingastofnun annast greiðslu desemberuppbótar samkvæmt reglugerðinni.
Umræða
