,,Undanfarnar vikur hafa verið eins og á kaldastríðsárunum hér í Keflavík. Sprengjuþotur sem rjúfa hljóðmúrinn, fljúgandi hér yfir íbúum bæjarins allan sólarhringinn.“ Segir Keflvíkingur á besta aldri sem man vel eftir kaldastríðsárunum og vann m.a. á Keflavíkurflugvelli hjá kananum.
,,Kommúnistarnir sem eru nú í VG, komu hingað suðureftir í Keflavíkurgöngu á hverju ári eins og vorboðinn og mótmæltu NATÓ og veru hermanna hér á vellinum sem voru viðbúnir að verja okkur gegn sovésku kommunum, skoðanabræðrum VG. Núna er þetta sama fólk í VG að mæta á NATÓ ráðstefnur og kokteilboð með hershöfðingjum sem eru á móti USSR og slíka fundi með NATÓ og ekkert annað kemst inn í hausinn á íslensku gervikommunum en að NATÓ verði að verja okkur gegn rússunum. Rússunum sem þetta sama VG fólk dýrkaði og dáði, þrátt fyrir viðvaranir um að þeim væri ekki treystandi eins og alltaf hefur komið á daginn undanfarnar aldir.
Það hefðu margir af mínum vinum sem nú eru komnir í sumarlandið, snúið sér við í gröfinni við það að sjá íslensku kommana snúast svona á punktinum gegn kommúnismanum og rússaforseta sjálfum sem var alltaf þeirra átrúnaðargoð og guð almáttugur. Jafnvel eftir hrun Sovétríkjanna, en nei nú er annað hljóð komið í strokkinn enda VG eins og vindurinn blæs, stefnulaust rekald í stórsjó allan ársins hring. Hafa snúist gegn öllum hugsjónum og stefnum eigin flokks og eru strengjabrúður auðvaldsins og drullu sama um öryrkja og hinn vinnandi verkalýð og er ekkert að fela það. Eina sem skiptir máli er STÓLLINN í ríkisstjórn. Skítt með allt og alla og sálin seld fyrir STÓLINN.
Það er nefnilega samnefnari fyrir kommana í dag að þeir éta allt ofan í sig og láta auðvaldið traðka á sér ofan í svaðið og allar hugsjónir og prinsipp löngu horfin fyrir stólana í ríkisstjórn. Það er sorglegt að horfa á kvennsurnar við Austurvöll sem þykjast berjast fyrir kommúnisma og jafnrétti vera látnar éta allt ofan í sig og þær minna á kúgaðar eiginkonur á fimmta og sjötta áratugnum úti í bæ en þykjast vera eitthvað allt annað.
Sama hvort það séu einkavinavæðingar á bönkum og öðrum verðmætum, kvótakerfi, ný stjórnarskrá, flóttafólk sem er hrakið burt á fasískan hátt eða bara hvað sem er. Alveg sama hvar er litið, þá er þetta flokkur sem enginn getur borið virðingu fyrir enda er fylgið hrunið og hann mun þurrkast endanlega út í næstu kosningum.“ Segir gamalreyndur fyrrum starfsmaður í hersöðinni í Keflavík.
Loftrýmisgæsla ítalska flughersins hefur staðið yfir undanfarinn mánuð hér á landi. Í vikunni fara fram áhafnaskipti flughersins og má því gera ráð fyrir aðflugsæfingum að varaflugvöllunum á Akureyri og Egilsstöðum á tímabilinu 26. til 31. maí. Gert er ráð fyrir að loftrýmisgæslunni ljúki í lok júní.
https://gamli.frettatiminn.is/18/04/2022/eldraeda-sera-davids-myndband/?fbclid=IwAR1dIuvOOCfzueQVRD1fyAD4XG2yDV1KJvvWI6A6OREgqaN-crjPghtqkLs
