Niemann hefur höfðað mál gegn Magnus Carlsen og krefst tæplega eins og hálfs milljarðs íslenskra króna eða hundrað milljóna dollara í miskabætur. Hans Niemann hefur nú ráðist gegn Magnus Carlsen og hefur lagt fram formlega kvörtun eftir deilur þeirra tveggja.
Kæran byggir á því að mannorð hans, starfsferill og líf hafi orðið fyrir stórtjóni. Magnus Carlsen, Hikaru Nakamura, Danny Rensch, fyrirtæki Carlsens, Play Magnus Group og vefsíðan Chess.com hafa verið kærð, skv. því sem kemur fram í dómsskjali og hefur Niemann sjálfur staðfest málsóknina.
Fyrir nokkrum vikum birti Chess.com 72 blaðsíðna langa skýrslu þar sem komist var að þeirri skelfilegu niðurstöðu að Niemann hlyti að hafa svindlað yfir 100 sinnum á netinu.
Málsóknin talar sínu máli, skrifar Bandaríkjamaðurinn á Twitter
Krefst stórra upphæða
Nieman krefst að minnsta kosti 100 milljóna dollara. Upphæðin samsvarar 1,4 milljörðum króna á gengi dagsins í dag.
Dramatíkin sem hefur skapast milli Calsen og Hans Niemann hefur verið mikið umræðuefni bæði innan og utan skáksamfélagsins. Hún byrjaði þann 5. september þegar Carlsen dró sig úr Sinquefield Cup eftir tap fyrir Niemann. Jafnvel þá gaf hann í skyn að um svindl væri að ræða. Aðeins tveimur vikum síðar hittust þeir tveir aftur, og í þetta skiptið tapaði Carlsen viljandi, Niemann til mikillar undrunar.
Fréttin er í heild sinni á NRK.NO
