,,Hvað ef vinnan gæti verið góð fyrir geðheilsuna? Með Mental, vinna fyrirtæki að því að setja starfsfólk og líðan þess í fyrsta sæti. Ómeðhöndlaður geðvandi leiðir gjarnan til kostnaðarsamra vandamála á borð við veikindafjarvistir, minnkandi framleiðni, aukna starfsmannaveltu og aukin útgjöld til starfsmannamála. Þá er ótalin þjáning þeirra sem við vandann glíma og fjölskyldna þeirra. Stjórnendur standa frammi fyrir miklum áskorunum sem bregðast þarf við.“ Segir Helena Jónsdóttir, Framkvæmdastjóri og stofnandi Mental á heimasíðu fyrirtækisins en eins og kunnugt er, þá hefur umræða um kulnun og andleg vandamál verið talsvert í umræðunni á árinu og mikil vakning á meðal fólks um vandann.
![](https://gamli.frettatiminn.is/wp-content/uploads/2022/12/helena-fjolublatt-1024x757-1.jpg)
Hjá Mental vinnum við með fyrirtækjum í að því að þau setji sér geðheilsustefnu og marki sér skýra sýn og markmið sem tryggja áhrifaríkar leiðir til að styðja við geðheilsu starfsfólks. Hóaðu í okkur ef þú vilt heyra meira um okkar nálgun og leyfa okkur að máta hana við ykkar áskoranir og vangaveltur.
Við fáum gjarnan þá spurningu af hverju fyrirtæki eigi að láta sig geðheilsu starfsfólks varða og fylgir þá oft spurningunni sú skoðun að geðheilsa sé „nú bara einkamál hvers og eins“ og fyrirtæki eigi ekkert með að vera að vasast í slíkum einkamálum fólks.
Við þessari spurningu eru nokkur mismunandi svör sem fela í sér skýra afstöðu okkar hjá Mental: Geðvandi starfsfólks er ekki einkamál hvers og eins og fyrirtæki þurfa og eiga að axla sinn þátt í ábyrgð á þessum málum.
2. Ábyrgð á geðvanda hefur hingað til verið velt yfir á starfsfólk og farið hefur verið með slík mál það sem einkamál þess að leysa. Þessi afstaða er að breytast og meðal stjórnenda er aukinn skilningur fyrir því að það fyrirtækjum beri siðferðisleg skylda til að búa þannig um hnútana að stjórnunarhættir og starfsumhverfi þeirra sé líklegt til að efla geðheilsu starfsfólks, fremur en draga úr henni. Ábyrgð fyrirtækja á þessu sviði er mikil og þeirra að sinna því í góðu samstarfi við sitt starfsfólk
![](https://gamli.frettatiminn.is/wp-content/uploads/2022/12/myndir-fyrir-helenu-11-11-224345lowres-1024x756-1.jpg)
3. Ómeðhöndlaður geðvandi hefur mikil og neikvæð áhrif á rekstur fyrirtækja í formi veikindafjarvista, starfsmannaveltu og aukins starfsmannakostnaðar og þessi áhrif munu eingöngu fara vaxandi á næstu árum sé ekkert að gert.
4. Starfsfólk sem tilheyrir Z- og árþúsundakynslóðunum gerir auknar kröfur um breytta stjórnunarhætti, skilning og stuðning af hálfu stjórnenda á málefnum tengdum geðvanda.
Fyrirtæki sem ekki huga að þessum málum munu eiga í erfiðleikum með að laða til sín og halda í hæft starfsfólk á næstu árum hugi þau ekki að þessum málum
,,Við trúum ekki á skyndilausnir. Plástra sem settir eru á þegar krísur koma upp. Einstaka fyrirlestra á starfsmannadegi eða úttektir og skýrslur sem safna ryki ofan í skúffu.
Hvar sem ykkar fyrirtæki er statt í því að bæta geðheilsu á vinnustaðnum munu sérfræðingar okkar vinna með ykkur og þróa geðheilsustefnu og aðgerðaáætlun sem er sniðin að ykkar einstökum þörfum og áskorunum.
Í grein McKinsey sem hér má lesa, er geðheilbrigði á vinnustöðu sett í forgang svo um munar og það sagt berum orðum að geðheilbrigði á vinnustað sé að verða eitt mikilvægasta úrlausnarefnið í viðskiptalífinu í dag: https:/https://lnkd.in/dEabhJZ