Hugleiðingar veðurfræðings
Lægðin sem er yfir suðvesturhorni landsins er á leið til austurs og fylgir henni rigning eða slydda fyrir sunnan en snjókoma norðanlands. Vegfarendur ættu að kanna vel ástand vega og veðurspár áður en lagt er af stað. Sjá veðurviðvaranir.
Það er breytileg átt 5-13 m/s en norðaustan 8-15 norðvestanlands. Eftir hádegi verður lægðin gengin yfir landið og snýst þá í minnkandi norðlæga átt og styttir upp vestantil, en austantil í kvöld. Hiti í kringum frostmark fyrir norðan en 5 til 9 stig sunnanlands.
Suðlæg átt 3-10 og yfirleitt bjart í fyrramálið en skýjað að mestu sunnantil. Suðaustan 8-13 og væta með köflum sunnan- og vestantil síðdegis. Hlýnandi veður, 6 til 11 stig seinnipartinn. Suðvestan 5-10 og styttir upp á miðvikudaginn en næsta lægð kemur seint um kvöldið með rigningu um mest allt land. Hiti 8 til 13 stig.
Á fimmtudag og dagana sem fylgja er útlit fyrir ákveðna suðvestanátt með skúrum, einkum sunnan- og vestanlands en bjart öðru hverju norðaustantil. Áfram milt í veðri. Spá gerð: 15.05.2023 05:39. Gildir til: 16.05.2023 00:00.
Veðurhorfur á landinu
Vestlæg eða breytileg átt 5-13 en norðaustan 8-15 norðvestanlands. Víða rigning eða slydda en snjókoma norðantil. Hægt minnkandi norðlæg átt síðdegis og styttir smám saman upp, fyrst vestanlands. Hiti kringum frostmark á norðanverðu landinu, en allt að 9 stigum syðst.
Suðlæg átt 3-10 og bjart að mestu í fyrramálið en suðaustan 8-13 og væta með köflum sunnan- og vestanlands seint á morgun. Hlýnandi veður, hiti 6 til 11 stig síðdegis. Spá gerð: 15.05.2023 05:02. Gildir til: 16.05.2023 00:00.
Veðurhorfur á landinu næstu daga
Á miðvikudag:
Suðvestlæg átt 3-10 m/s og dálitlar skúrir, en lengst af þurrt og bjart á Austurlandi. Vaxandi suðaustanátt suðvestantil seint um kvöldið og fer að rigna. Hiti 6 til 15 stig, hlýjast austanlands.
Á fimmtudag (uppstigningardagur):
Snýst í suðvestan og vestan 8-15. Víða rigning eða skúrir, en styttir upp um landið austanvert. Vestan 10-18 síðdegis og dregur úr vætu, en lægir vestanlands um kvöldið. Hiti 6 til 17 stig, hlýjast norðaustantil.
Á föstudag:
Suðvestan og sunnan 13-20 og rigning eða súld, en úrkomulítið norðaustanlands. Hiti breytist lítið.
Á laugardag og sunnudag:
Suðvestlæg átt og rigning með köflum eða skúrir, en yfirleitt þurrt um landið norðaustanvert. Heldur kólnandi.
Spá gerð: 15.05.2023 08:42. Gildir til: 22.05.2023 12:00.
