500.000 krónur, hálf milljón. Þetta er upphæðin sem bætist við á þúsundir heimila á hverju ári eftir vaxtahækkun Seðlabankans í dag. Við erum að tala um svona upphæðir. Þetta er það sem heimilin, mörg hver, eru að fá í fangið sem eru með 40–50 millj. kr. húsnæðislán, annað hvort af því að þau eru með óverðtryggða vexti, breytilega vexti, eða vegna þess að þau eru að fara að losna úr vaxtaskjólinu.
Sagði Sigmar Guðmundsson þingmaður Viðreisnar á Alþingi í dag þegar verið var að ræða um grafalvarlega stöðu í efnahagsmálum. Ríkisstjórnin og þingmenn hennar mættu ekki í þingsal til að ræða þá alvarlegu stöðu sem er hjá þjóðinni en birtust öll í þingsalnum mínútu eftir að umræðunni lauk til að samþykkja eigin lög.
Þetta er auðvitað ekki boðlegt
Hálf milljón á ári. Þetta eru útborguð mánaðarlaun hjá þessu sama venjulega fólki. Þetta er orðið alger klikkun. Stóri efnahagsvandi íslensku þjóðarinnar er aðgerðaleysi þessarar ríkisstjórnar. Stóra vandamálið okkar er að forsætisráðherra kemur hér upp í ræðustól og segist ekki sammála þeim sérfræðingum sem bæði koma úr atvinnulífinu og verkalýðshreyfingunni og meira að segja úr fjármálaráði og frá fleiri stöðum og hafa verið að benda á það að útgjaldavöxtur ríkisins er að kynda verðbólgubálið. Seðlabankinn sér sig nauðbeygðan til að hækka vexti til að reyna að stemma stigu við þessu.
Rothögg á íslensk heimili
Afleiðingin er þessi: Hálf milljón, 500.000, fyrir venjulegt fólk á ári. Þetta er auðvitað ekki boðlegt. Aðgerðaleysi ríkisstjórnarinnar birtist okkur kannski í því að núna á þessum svarta degi vaxtahækkana þá er bara einn stjórnarþingmaður búinn að nefna þetta ástand í ræðum hér undir þessum lið, störf þingsins, og það var formaður fjárlaganefndar sem sagði að þetta rothögg á íslensk heimili væri ákveðin vonbrigði. Þetta er nú allur metnaðurinn. Við verðum að gera það gagnvart fólkinu í landinu að grípa í taumana. Ríkisvaldið þarf að stíga inn í með sterkari hætti. Síðan verðum við auðvitað líka að geta tekið heiðarlega umræðu um það hvort við ættum að láta þennan kerfisvanda malla aftur og aftur, áfram og áfram, ár eftir ár með sömu þungu búsifjunum fyrir heimilin í landinu.
Landsbankinn dæmdur – ,,Tugir milljarða sem talið er að bankarnir hafi oftekið“
Umræða
