Klukkan 20:30 í kvöld barst Neyðarlínu símtal frá erlendum ferðamanni sem var á göngu inn af Þakgili, undir Mýrdalsjökli. Hann hafði farið út af gönguleiðinni, og var kominn í sjálfheldu og treysti sér ekki til að halda áfram.
Björgunarsveitir frá Vík í Mýrdal og Álftaveri voru kallaðar út manninum til aðstoðar.
Nokkurn tíma tók að koma björgunarfólki inn í Þakgil um hægfarinn veg. Björgunarfólk fór svo inn á gönguleiðina úr tveimur áttum, en staðsetning mannsins var ekki nákvæmlega vituð. Það var svo nú á ellefta tímanum sem maðurinn fannst, en hann var orðinn nokkuð kaldur og hafði komið sér fyrir þar sem hann var vel skorðaður af.
Björgunarfólk er nú að aðstoða hann til baka eftir gönguleiðinni, inn í Þakgil.
Meðfylgjandi eru ljósmyndir frá aðgerðum kvöldsins.
Umræða
