HRAÐAKSTUR OG DAGBÓK LÖGREGLU
Brot 25 ökumanna voru mynduð á Þingvallavegi í gær. Fylgst var með ökutækjum sem var ekið Þingvallaveg í vesturátt, á móts við Tjaldanes í Mosfellsdal. Á einni klukkustund, eftir hádegi, fór 151 ökutæki þessa akstursleið og því óku allmargir ökumenn, eða 17%, of hratt eða yfir afskiptahraða. Meðalhraði hinna brotlegu var 87 km/klst en þarna er 70 km hámarkshraði. Sá sem hraðast ók mældist á 102.
Brot 72 ökumanna voru mynduð á Hringbraut í Reykjavík í gær. Fylgst var með ökutækjum sem var ekið Hringbraut í austurátt, að Furumel. Á einni klukkustund, fyrir hádegi, fóru 411 ökutæki þessa akstursleið og því óku allmargir ökumenn, eða 18%, of hratt eða yfir afskiptahraða. Meðalhraði hinna brotlegu var 54 km/klst en þarna er 40 km hámarkshraði. Sá sem hraðast ók mældist á 68.
Brot 113 ökumanna voru mynduð á Reykjanesbraut í Hafnarfirði í gær. Fylgst var með ökutækjum sem var ekið Reykjanesbraut í suðurátt, að Hvassahrauni. Á einni og hálfri klukkustund, eftir hádegi, fóru 547 ökutæki þessa akstursleið og því ók um fimmtungur ökumanna, eða 21%, of hratt eða yfir afskiptahraða. Meðalhraði hinna brotlegu var 106 km/klst en þarna er 90 km hámarkshraði. Sá sem hraðast ók mældist á 128. Vöktun lögreglunnar er liður í umferðareftirliti hennar á höfuðborgarsvæðinu, en þess má geta að skýjað og þurrt var á meðan hraðamælingunni stóð.
Helstu tíðindi LRH frá tímabilinu 17:00 – 05:00
Stöð 1 Austurbær-Miðbær-Vesturbær-Seltjarnarnes
– Ökumaður handtekinn grunaður um akstur undir áhrifum áfengis. Annar ökumaður handtekinn grunaður um akstur undir áhrifum ávana og fíkniefna ásamt því að aka án réttinda.
-Tilkynnt um einstakling í annarlegu ástandi í hverfi 104. Við nánari skoðun kom í ljós að sá samsvaraði lýsingu á einstakling sem framdi rán ásamt þremur öðrum fyrr um daginn.
Þar veittust, sem fyrr segir, fjórir einstaklingar að erlendum ferðamanni og tóku verðmæti. Einn gistir fangaklefi vegna málsins. Hluti ránsfengsins er fundinn en málið er í rannsókn.
-Tilkynnt um ofurölvaðan aðila. Honum ekið heim til sín af lögreglu.
-Tilkynnt um slagsmál milli fjögurra aðila. Engan að sjá er lögregla kom á vettvang.
-Tilkynnt um þjófnað í verslun í hverfi 108. Um ólögráða einstaklinga var að ræða og málið í viðeigandi ferli.
-Umferðaróhapp þar sem að tvær bifreiðar skullu saman. Ekki slys á fólki.
-Skráningamerki fjarlægðar af bifreið þar sem ekki hafi verið staðið skil á vátryggingum.
-Nokkrar tilkynningar bárust lögreglu vegna grunsamlegra mannaferða sem lögregla sinnti.
-Aðili vistaður í fangaklefa sökum ölvunarástands.
Stöð 2 Hafnarfjörður-Garðbær-Álftanes
-Skráningamerki fjarlægðar af bifreið þar sem hún hafði ekki staðist aðalskoðun innan tiltekins tíma og ekki staðið skil á vátryggingum.
-Bifreið stöðvuð við almennt umferðaeftirlit. Ökumaður var gert að stöðva akstur þar sem sá var ekki allsgáður.
-Umferðaróhapp þar sem að ökumaður léttbifhjóls velti bifhjólinu og kenndi sér meins í öxl.
Stöð 3 Kópavogur og Breiðholt.
– Tilkynnt um konu ráfandi um og illa áttaða í hverfi 203. Henni ekið á dvalarstað sinn af lögreglu.
-Skráningamerki fjarlægðar af bifreið þar sem ekki hafi verið staðið skil á vátryggingum.
Stöð 4 Grafarvogur-Mosfellsbær-Árbær.
-Tilkynnt um lausan hest í hverfi 162. Haft var samband við viðeigandi stofnun sem gerði ráðstafanir.
-Bifreið stöðvuð við almennt umferðaeftirlit. Ökumaður grunaður um að aka án gildra ökuréttinda.
– Ökumaður handtekinn grunaður um akstur undir áhrifum áfengis.
– Ökumaður handtekinn grunaður um akstur undir áhrifum áfengis, akstur undir áhrifum ávana- og fíkniefna og lyfja sem og akstur bifreiðar án þess að hafa öðlast til þess réttindi.
