Utanríkisráðherra sat í dag fjarfund utanríkisráðherra Norðurlandanna og Eystrasaltsríkjanna með Dmytro Kuleba, utanríkisráðherra Úkraínu. Rædd var samhæfing og samstarf um stuðning, auk undirbúnings fyrir friðarráðstefnuna sem haldin verður í Sviss 15. og 16. júní næstkomandi. Forsætisráðherra mun sækja ráðstefnuna fyrir Íslands hönd.
Í næstu viku verður auk þess haldin framlagaráðstefna í Berlín vegna Úkraínu. Ráðuneytisstjóri utanríkisráðuneytisins, Martin Eyjólfsson, mun sækja ráðstefnuna.
Vinna í samræmi við nýsamþykkta stefnu frá Alþingi og tvíhliða samning landanna um öryggissamstarf og langtímastuðning sem forsætisráðherra undirritaði í Stokkhólmi þann 31. maí síðastliðinn stendur nú yfir í utanríkisráðuneytinu.
Umræða
