Hugleiðingar veðurfræðings
Það er mildur og rakur loftmassi sem situr yfir landinu og þoka hefur látið á sér kræla í mörgum landshlutum í nótt. Þokan ætti að gefa eftir þegar líður á morguninn. Þótt víða verði skýjað áfram, þá ætti að hækka undir skýin. Eftir hádegið verður áttin suðlæg, en vindur nær sér ekki á strik að ráði. Lægð fyrir vestan land sendir slitrótta rigningu inn á Suður- og Vesturland. Hiti nokkuð víða á bilinu 10 til 15 stig í dag.
Á morgun nálgast önnur lægð úr suðri. Hún er eilítið kraftmeiri en lægð dagsins í dag sem þýðir að vindur verður aðeins meiri (suðaustan 5-13 m/s) og rigningin ákafari á stórum hluta landsins. Á norðaustanverðu landinu verður hins vegar lítil eða engin úrkoma á morgn og þar gæti hiti náð upp undir 20 stig þegar best lætur. Spá gerð: 27.07.2024 06:28. Gildir til: 28.07.2024 00:00.
Veðurhorfur á landinu
Suðlæg eða breytileg átt 3-10 m/s. Skýjað að mestu og dálítil væta á víð og dreif. Bætir í rigningu á Suður- og Vesturlandi seinnipartinn. Hiti víða 10 til 15 stig.
Suðaustan 5-13 á morgun og rigning, en þurrt að kalla á norðaustanverðu landinu og hlýnar þar. Bætir í vind og úrkomu sunnanlands annað kvöld.
Spá gerð: 27.07.2024 10:20. Gildir til: 29.07.2024 00:00.
Veðurhorfur á landinu næstu daga
Á mánudag:
Suðlæg átt 5-10 m/s, en 10-15 norðvestantil og á Suðausturlandi. Væta með köflum en styttir upp norðanlands seinnipartinn og bætir í rigningu suðaustantil. Lægir seinnipartinn. Hiti 11 til 19 stig, hlýjast fyrir norðan.
Á þriðjudag:
Vestlæg eða breytileg átt 3-10. Rigning um landið norðaustanvert framan af degi, annnars skýjað með köflum og úrkomulítið. Hiti 10 til 18 stig, hlýjast á Suðausturlandi.
Á miðvikudag:
Vaxandi austan- og suðaustanátt, 8-15 m/s seinnipartinn. Bjart með köflum um mest allt land en skýjað sunnantil og sums staðar dálítil rigning eftir hádegi. Hiti 10 til 20 stig, svalast suðaustantil.
Á fimmtudag og föstudag:
Útlit fyrir austlæga átt og skýjað. Rigning með köflum á sunnan- og austanverðu landinu en lengst af þurrt fyrir norðan og vestan. Hiti breytist lítið.
Spá gerð: 27.07.2024 09:14. Gildir til: 03.08.2024 12:00.
