Hakkarar sem beita fjárkúgun – Rústa lífinu og ná til barnanna

Símafyrirtækið Vodafone, Háskólinn í Reykjavík, Landsbankinn, Tölvufyrirtæki í Reykjavík, Helga Rakel Guðrúnardóttir fjölskyldukona eru bara örfá dæmi um þá sem hafa hlotið mikinn skaða af hökkun og eltihrellum á Íslandi sem og erlendis af bæði einstaklingum og hópum fólks.

Þessir tölvuþrjótar svífast einskis og virðast gera þetta bæði til skemmtunar sem bendir einfaldlega til siðblindu og/eða narsisisma og einnig til fjárkúgunar.

Ein svakalegasta og versta saga um einstakling sem hefur orðið fyrir hökkun hér á Íslandi sem ég hef lesið um er af Helgu Rakel Guðrúnardóttur sem ég kem inn rétt á eftir.

,,Hakkarinn getur gert allt sem èg. – Helga Rakel Guðrúnardóttir.“

En facebook reikningar fólks, netföng, bankareikningar, símar, tölvur, instagram reikningar fólks og svikapóstar í nafni fjölmargra fyrirtækja á Íslandi, þar á meðal símans og bankafyrirtækja á Íslandi er einfaldlega eitthvað sem er orðið hluti af okkar þjóðfélagi.

Því miður.

Þann 18. Nóvember 2021 hringdi Helga Rakel Guðrúnardóttir í lögregluna á höfuðborgarsvæðinu og tilkynnti alvarlega hökkun og hótanir í sinn garð en Helga Rakel spilar tölvuleiki og þjálfar tölvuleikjaspilara og birtir YouTube myndbönd sem hún hefur tekjur af.

Helga Rakel sagði í viðtali við blaðamann í Kjarnanum 1. September 2022 að hakkarinn geti haft aðgang að börnum sem hún kennir og komið fram í samskiptum við þau sem hún sjálf.

Þrátt fyrir ótal sannanir, IP tölu, samtöl við hakkarann á samskiptaforritinu Discord, mörg spilliforrit í tölvunni hennar virtist lögreglan hér á Íslandi hafa lítinn áhuga á málinu. En lögreglan hinsvegar sagði henni að fara bara með þetta beint í fjölmiðla sem segir mér að lögreglan á Íslandi sé engan veginn hæf né hefur þekkingu til að fara í svona mál og leysa þau.

Helga komst seinna að því að þetta var ekki bara einn maður að hakka hana heldur ,,hópur fólks“ sem var að hóta henni, leka út persónulegum upplýsingum um hana og brjóta á friðhelgi einkalífsins.

Einn úr þessum hópi var 19 ára strákur frá Kanada. Kanadamaðurinn viðurkenndi það strax fyrir henni í spjalli þeirra á milli sem sagði að þau væru að gera þetta því hún væri svo ,,vond manneskja“ og hefði ,,pyntað“ fólk. Og einnig að hún eigi þetta skilið sem er klassískt dæmi um siðblinda einstaklinga sem ráðast á 45 ára gamla fjölskyldukonu með son og mann.

„Ég sagði þeim að það væri verið að hakka mig. Að það væri verið að reyna að ná per­sónuupp­lýs­ingum um mig. Lög­reglan bað mig um að senda lýs­ingu á máls­at­vikum í tölvu­pósti og segja hverjar kröfur mínar til þeirra væru.“

„Ég segi honum að hakk­ar­inn hafi við­ur­kennt brotið en telji að ég hafi bara átt þetta skil­ið. Ég segi honum líka frá því að önnur fórn­ar­lömb sama hakk­ara hafi haft sam­band við mig, þar á meðal einn af for­rit­ur­unum hjá Moj­ang tölvu­leikja­fyr­ir­tæk­inu sem gerir tölvu­leik­inn Minecraft. Moj­ang er í eigu Microsoft.“

„Ég sendi honum sönnun (lögreglumanni í Reykjavík) þess að hakk­ar­inn hafi farið inn á tölv­una mína. Eitt­hvað sem ég fann sjálf þegar ég fór í gegnum mín eigin gögn sem ég fékk send frá Discord. Þar er IP-tala, tíma­setn­ing og stað­setn­ing í Kanada.“

Þar sem lögreglan á Íslandi gerði ekki neitt hafði Rakel sjálf samband við lögregluna í Kanada sem fann manninn.

En þeir sögðust ekkert geta gert fyrir hana en býðst þó til að fara heim til hakk­ar­ans og tala við hann og biðja hann um að hætta.

Nú spyr èg ykkur hvaða skilaboð yfirvöld eru að senda almenningi með því að gera ekki neitt.

Hér höfum við dæmi um konu sem varð fyrir gríðarlegu fjárhagslegu tjóni með stafrænan eltihrellir og hóp hakkara sem einfaldlega rústuðu lífi hennar. Ég get ekki orðað það öðruvísi. Rakel hefur meðal annars þurft að sækja sér tíma hjá sálfræðingi og hefur glímt við alvarlega áfallastreituröskun eftir hótanir fólks þar sem hún meðal annars fékk bréf heim til sín þar sem er sagt að þessu verði haldið áfram gegn henni.

Hökkunin var raunveruleg og vægast sagt alvarleg og sönnuð en ekkert réttlæti fyrir Helgu og hennar fjölskyldu.

Að lokum segir Helga í viðtalinu í kjölfar spurningu blaðamanns:

,,Aðspurð hver upp­lifun hennar sé af því að kæra brot gegn frið­helgi einka­lífs síns til lög­regl­unnar á Íslandi segir Helga Rakel að hún sé hræði­leg. „Ég upp­lifði að þeim kæmi ekk­ert við að á mér væri brot­ið. Þeir eru ekki að vernda mig. Þeir eru bara að rann­saka það sem þeir vilja.“

Sögu Helgu er hægt að lesa hér í heild:

Ég hef rætt við fólk hér á landi og eina sem ég hef fengið að heyra er að ef þú lendir í þessu þá:

,,Verður þú einfaldlega að taka málið í þínar eigin hendur og finna fólkið ef þú vilt réttlæti.“

Og þetta var sagt á ákveðinn hátt þar sem lögreglan myndi ekki koma við sögu.

Að lokum vil ég segja að það er ljótt og miður ef einstaklingar sem verða fyrir þessu þurfa að taka málin í sínar eigin hendur hvernig sem þeir ætla að gera það, því lögreglan á Íslandi sem annarsstaðar er því miður gagnslaus í svona málum.

En þessir hakkarar eru svartar sálir, siðblindingar sem fela sig bakvið tölvur og komast inn á vídeó, myndir og önnur persónuleg gögn fólks og hræða það og kúga.

Svona einstaklingur er ekkert nema heigull sem felur sig bakvið tölvuna og beitir fólk alvarlegu ofbeldi sem eltihrellir og á ekkert skilið nema að enda inn í fangaklefa og henda lyklunum.

Nýlega veit ég af máli þar sem tölvufyrirtæki í Reykjavík sem er að vinna fyrir einstakling hér á Íslandi fékk staðfestingu frá Google að hann hafi orðið fyrir hökkun á netföngum hans og fleiru sem við kemur starfi hans og málið er í rannsókn þar sem einstaklingurinn varð fyrir miklu tekjutapi sem fleiru.

Þannig þetta er að gerast nánast daglega fyrir bæði fólk og fyrirtæki.

Hér að lokum eru nokkrir tenglar af fréttum af hökkunum hér á Íslandi en hægt er að leita mikilla frétta af svona málum á netinu.

En það versta er sumt fólk sem þegir vegna ótta um að hakkarar rústi lífi manns ef maður segir frá. Það er ákveðið fangelsi út af fyrir sig í miklum ótta og kvöl.

Umræða