Loftslagsfundurinn í Bakú hefur verið framlengdur. Hvers vegna? Verið er að leggja hart að „ríkum“ þjóðum að punga út með meiri seðla árlega til „fátækra“ þjóða í nafni loftslagsins. Það er orðin gefandi tekjulind þeirra „fátæku“ að syngja með í heimsendakór Sameinuðu þjóðanna og krefjast meiri peninga vegna loftslagsins sem notuð er sem allsherjar heimsgrýla á mannskapinn. Frekjugangurinn er svo yfirgengilegur að vestrænar þjóðir hafa samþykkt þreföldun á gjafapeningum til þeirra „fátæku“ þegar síðast fréttist innan úr loftslagskarphúsinu. Frá 100 milljörðum dollara upp í 300 milljarða dollara. Krafa Sameinuðu þjóðanna var 1.000 milljarðar dollara en er núna … 1.300 milljarðar dollara! – Fjallað er úm málið á vefnum: Þjóðólfur.is
Sameinuðu þjóðirnar krefjast greiðslu af Vesturlöndum sem samsvarar 135 fjárlögum íslenska ríkisins!
Til að átta sig á þessum himinháu upphæðum og skilja betur kröfu SÞ, þá eru 1.300 milljarðar dollara yfirfært í íslenskar krónur hvorki meira né minna en 182 þúsund 455 milljarðar íslenskra krónur á núverandi gengi. Til að skilja þá tölu má gera samanburð á heildartekjum íslenska ríkisins sem voru samkvæmt fjárlögum ársins 2024 um 1.350 milljarðar íslenskar kr.
Krafa Sameinuðu þjóðanna á hendur þeirra „ríku“ nemur því 135 fjárlögum íslenska ríkisins! Hér er ekki verið að tala um eingreiðslu heldur árlega greiðslu sem Sameinuðu þjóðirnar eru að krefja Vesturlönd um að greiða til sín sem SÞ ætlar sér síðan að koma áfram í verkefni til þeirra „fátæku.“ Það er sjálfsagt göfug sýn, að allir jarðarbúar hafi aðgang að vatnssalerni en af hverju skyldu Íslendingar eiga að taka þátt í slíkum gjörningi þegar sumir þeirra sem taka við peningunum stinga þeim í eigin vasa og búa til gullsalerni fyrir sig?
Sameinuðu þjóðirnar vilja koma á sósíalisma í öllum heiminum
Markmið glóbalizmans er að samtengja málaflokkana heilsu, matvæli og loftslag sem unnið er markvisst að dag og nótt. Þjóðum heims er fyrirlagt að gefa upp fullveldið og ein allsherjar miðstjórn hinnar nýju heimsstjórnar verður hjá Sameinuðu þjóðunum. Verið er að koma á sams konar eftirlitskerfi með íbúum Vesturlanda eins og kínverski kommúnistaflokkurinn notar til að kúga landsmenn sína.
Unnið er markvisst gegn kapítalisma Vesturlanda með þessum geðveikislegu kröfum um peningatilfærslur frá hart stritandi skattgreiðendum Vesturlanda til Sameinuðu þjóðanna. Markmiðið er augljóst: Koma skal á sósíalisma í gjörvöllum heiminum sem er gamalt markmið Komintern, alþjóðlegri miðstjórn Leníns og Stalíns. En þar sem almenningur er ekki svo ginnkeyptur fyrir kommúnisma eða sósíalisma, þá eru Grýlur framleiddar á færibandi til að hræða fólk. Það er einmitt siður slíks fólks sem engin rök hafa né málstað fyrir gjörningum sínum.
Loftslagsráðherra leysir vind
Gulli Græni, loftslagsráðherra Íslands, fer í loftköstum í loftslagsmálum í grein í Morgunblaðinu í dag, 23. nóvember. Hann fer á hátt flug í árás á Miðflokkinn sem er greinilega óþægilegasti andstæðingur hans í yfirstandandi kosningum. Hann kennir Miðflokknum um að eiga Íslandsmet í loftslagsmetnaði og vitnar í aðkomu formanns Miðflokksins að skuldbindingum Íslands í Parísarsáttmálanum m.fl.
Gulli Græni er svo blindaður af ljósadýrð Sigmundar Davíðs að hann finnur engin orð um yfirstandandi loftslagsráðstefnu COP29 eða ránstillögur SÞ á Vesturlönd. Gulli Græni hrósar sér af því að hann hafi „lækkað“ útgjöld til loftslagsmála samtímis sem hann hreykir sér af árangri þess svikamyllukerfis sem hinn loftslagsmetnaðarfulli Sigmundar Davíð dró til Íslands og skilar enn sem komið er arði af sölu orkuaflátsbréfa sem notuð eru til að búa til falsfréttir um notkun kolarorku við rafmagnsframleiðslu erlendis. Hver á að skilja þvílíkt bull, að stór hluti rafmagns á Íslandi sé framleiddur með kjarnorku og olíu?
Pólitískt sjálfsmorð – Hvíl í friði
Það er merkilegt að sjá ráðherrann hreykja sér af gjörningum andstæðingsins samtímis og hann hreykir sér af lækkunarmetnaði sínum á fjárframlögum til loftslagsmála. Ráðherrann leysir galdravind sem hæglega má túlka sem lokakveðju hans í stjórnmálum. Reikniverk ráðherrans og ríkisstjórnarinnar sem hann hefur setið árum saman í hefur stöðvað farsælustu og sjálfbærustu orkustefnu landsmanna með virkjun fallvatna.
Stjórnin hefur skapað skortastöðu og öngþveiti til að dingla með í „grænu umskiptunum“ og á teikniborðinu eru hundruð óarðbærra vindorkuvera sem munu leggja hærri álögur á herðar landsmanna en samanlagðar skattahækkunartillögur Samfylkingarinnar, Vinstri Grænna og Viðreisnar. Í vindhöggi Gulla Græna er vandlega þagað um dauðagrip vindorkuvirkjana.
Gulli Græni jarðaði stjórnmálaferil sinn í dag.
Hvíl í friði.
