Ræða Jóhanns Páls Jóhannssonar í umræðum um stefnuræðu forsætisráðherra á Alþingi kom stjórnarandstöðunni verulega á óvart og sátu fyrrverandi þingmenn og ráðherrar sem gætt hafa sérhagsmuna örfárra stórfyrirtækja undanfarna áratugi. Náfölir og skelfingu lostnir undir ræðuhöldum nýrrar ríkisstjórnar sem ætlar að vinda snarlega ofan af spillingunni og sérhagsmunagæslunni.
,,En það sem kannski stuðar gömlu valdaflokkana mest, það er að ný ríkisstjórn vilji innheimta sanngjörn auðlindagjöld og binda þjóðareign auðlinda í stjórnarskrá.
Það skapar óvissu, segja þau.
En ég segi við Sjálfstæðismenn: Kveinið bara, farið í öll þau setuverkföll sem ykkur sýnist.
Ríkisstjórn Kristrúnar Frostadóttur mun stöðva kjaragliðnun milli lífeyris og launa – því það er réttlætismál. Og ríkisstjórn Kristrúnar Frostadóttur mun tryggja þjóðinni aukna hlutdeild í arðinum af auðlindum, vegna þess að við eigum þessar auðlindir saman.
Tryggja þjóðinni aukna hlutdeild í arði af auðlindum
Þetta er réttlætismál en líka liður í því að koma jafnvægi á rekstur ríkisins eftir óstjórn síðustu ára, þetta er líka liður í að koma jafnvægi á rekstur ríkisins sem er forsenda þess að við getum stutt og styrkt opinbera þjónustu til framtíðar og rekið sterkt velferðarþjóðfélag á Íslandi.
Það er planið. Þetta er nákvæmlega það sem þessir þrír flokkar voru kosnir til að gera. Og aðgerðir okkar í loftslagsmálum munu bera þess merki, að við erum ríkisstjórn sem þjónar vinnandi fólki. Þess vegna kemur ekki til greina virðulega forseti að fara í orkuskipti sem bitna á tekjulægri hópum eða íbúum í dreifbýli umfram aðra. Það kemur ekki til greina. Áherslur ríkisstjórnarinnar í umhverfis- og loftslagsmálum munu styðja við byggðaþróun og styðja við atvinnuuppbyggingu um allt land.
Ábyrg hagstjórn og aukin framleiðni í atvinnulífi eru forsenda þess að við getum sótt fram í velferðarmálum og passað betur hvert upp á annað. Þetta er það leiðarstef sem ríkisstjórn Kristrúnar Frostadóttur vinnur eftir.
Þess vegna tökum við til í ríkisrekstrinum. Þess vegna vinnum við gegn fákeppni og greiðum fyrir samkeppni. Þess vegna leysum við strax Hvammsvirkjunarmálið með lagasetningu, einföldum leyfisferla og liðkum fyrir orkuöflun. Þess vegna munum við rjúfa kyrrstöðuna í samgöngumálum og koma þjóðhagslega arðbærum framkvæmdum af stað.
Allt í þágu vaxtar og verðmætasköpunar, til að stækka kökuna og styrkja velferðina.
Um þetta er ríkisstjórn Kristrúnar Frostadóttur mynduð og breytingarnar byrja strax.# Sagði Jóhann Páll Jóhannsson í umræðum um stefnuræðu forsætisráðherra á Alþingi.
Leigja tonnið á 500.000 kr. og greiða 0 kr. í auðlindagjald og 0 kr. í vsk
