Nafn Adolf Hitler [1889-1945] hefur komist í heimsfréttir eftir að innanríkisráðherra Argentínu gaf út tilskipun um að gerð yrðu opinber skjöl um nazista sem flúðu til Argentínu eftir síðari heimstyrjöld. Rottuleiðir; ratlines voru flóttaleiðir nazista um Sviss og Spán til S-Ameríku. Landa eins og Argentínu, Paraguay, Chile, Brazilíu. Uruguay, Mexikó, Perú, Kolombíu, og jafnframt Bandaríkjanna og Kanada.
SKÝRSLA CIA 1955
CIA hefur gert opinbera skýrslu um Hitler í S-Ameríku þar sem fullyrt er af stöðvarstjóra í Caracas, Venesúela til Washington að Adolf Hitler hefði verið í S-Ameríku 1955. Birt er mynd af Hitler með þýskum SS-foringja Philip Citroen sem fullyrti að Hitler væri lifandi.
Þeir hefðu hist mánaðarlega og Hitler hefði í janúar 1955 yfirgefið Kolombíu og haldið til Argentínu. Í skýrslunni er haft eftir SS-foringjanum að þar sem 10 ár væru liðin frá lokum stríðsins, yrði Hitler ekki saksóttur fyrir stríðsglæpi. Það þykir hæpin fullyrðing.
Adolf Eichmann [1906-1962] var handtekinn 11. maí 1960 af Mossad við heimili sitt í Buenos Aires og fluttur til Ísrael, dæmdur til dauða og hengdur. Hinn illræmdi Josef Mengele [1911-1979] Engill dauðans bjó einnig í Buones Aires og munu þeir hafa haft samneyti. Mengele lifði ævi sína í S-Ameríku. Hitler á að hafa látist á sjötta áragtugnum rúmlega sjötugur. Óháði fréttamaðurinn Clayton Morris stjórnandi fréttaþáttarins Redacted tekur býsna sterkt til orða um að Hitler hafi flúið til S-Ameríku. Hann bendir á að “meint hauskúpa“ Hitlers hafi verið flutt til Moskvu en rannsökuð vestanhafs og í ljós komið að var af konu.
OPERATION PAPERCLIP
Ég hef fjallað um „Operation Paperclip“ sem var leynileg aðgerð bandarískra stjórnvalda þegar um 1.600 þýskir vísindamenn, verkfræðingar og tæknimenn nazista voru fluttir til Bandaríkjanna eftir lok síðari heimstyrjaldar 1945 til ársins 1959. Þeir komust til áhrifa í bandarísku þjóðfélagi. Þeirra kunnastur var félagi í Nazistaflokknum, Wernher von Braun [1912-1977] yfir geimferðastofnuninni Nasa þegar Bandaríkjamenn sendu menn til tunglsins árið 1969 þó efasemdir komi reglulega fram um að svo hafi verið en það er önnur saga.
Umræða
