Sigurður G. Guðjónsson lögmaður, sem þekkir vel til rannsókna hrunmála, telur einsýnt að bæði héraðssaksóknari og ríkissaksóknari þurfi að segja af sér.
Að því er fram kemur í grein í Mogganum í dag, þá skrifar Sigurður jafnframt eftirfarandi færslu á vef sinn og birtir myndina með færslunni:
,,Grímur fyrrum hleranameistari embættis sérstaks saksóknara telur lögreglu þurfa að hafa sérstaklega ríka siðferðiskennd. Sú kennd var ekki til staðar innan embættis sérstaks saksóknara eftir bankahrunið þegar Grímur starfaði þar.
Þá skipti friðhelgi einkalífs sakborninga engu. Gögnum var mokað út til valinn fjölmiðlamanna sem spiluðu með embættinu til að bera sakir á nokkra starfsmenn föllnu bankanna. Nú hefur Grími skolað inn á þing. Kannski tekur þessi ,,siðprúði” fyrrum lögreglumaður upp og skoðar gamalt frumvarp Ögmundar Jónassonar sem setja átti hlerunum lögreglu skorður á árinu 2012, þegar brot lögreglumanna hjá embætti sérstaks saksóknara voru smátt og smátt að koma í ljós.
Ólafur Hauksson, sem stýrði embætti sérstaks saksóknar og bar stjórnunarlega ábyrgð á gerðum Gríms, Jóns Óttars og fleiri starfsmanna embættis sérstaks, ætti að íhuga stöðu sína. Ólafur vissi um brot innan embættisins í síðasta lagi árið 2011 og gerði bara starfsloka samning við tvo brotlega lögreglumenn. Þeir sem brutu á mannréttindum sakborninga með hlerunum sátu hins vegar áfram og hafa aldrei þurft að axla ábyrgð á lögbrotum sínum.
Ríkissaksóknari sá ekkert athugavert við framferði lögreglumanna við embætti sérstaks saksóknara þegar það braut á sakborningum hvað þá að stuldur á gögnum skipti máli.
Nú þegar lögreglan er með allt niður um sig ætlar ríkissaksóknari að girða sig í brók og rannsaka brot innan embættis sérstaks saksóknar meðan það embætti var og hét.
Ríkissaksóknari gæti leyst mannauðsvanda embætti síns með því að segja af sér, enda fer ekki vel á því að ríkissaksóknari rannsaki eigin aðgerðarleysi“
