Ráðherrar þurfa sjálfir að snúa sér að kjaradeilu ljósmæðra

,,Það er kominn tími á að ráðherrar í ríkisstjórninni taki kjaradeilu ljósmæðra alvarlegar en þeir hafa gert. Þá er átt við að þeir hafa að mestu látið samninganefnd ríkisins eftir að sjá um deiluna af þess hálfu.
Nú er komið að því að bein íhlutun ráðherra málaflokksins verður að koma við sögu.
Þjóðin þarf á þjónustu ljósmæðra að halda.

Það er mjög stutt í að kjaradeila ljósmæðra snúizt upp í pólitíska krísu fyrir ríkisstjórnina.
Þessi kjaradeila er komin á það stig að hún fer að hafa bein áhrif á stefnumörkun verkalýðsfélaganna á hinum almenna vinnumarkaði.
Ljósmæðradeilan veldur því að ríkisstjórnin þarf núna að horfast í augu við vandamál, sem hún hefur kannski gert sér hugmyndir um að hún gæti frestað til haustsins og fram á vetur.
Hún veit mæta vel sjálf hver þau eru.  “ Segir Styrmir Gunnarsson, f.v. Ritstjóri Morgunblaðsins.