Hér eru helstu atriði úr dagbók LRH frá kl.17-05. Þegar þetta er ritað eru fjórir vistaðir í fangageymslu lögreglu. Alls eru 49 mál skráð í kerfinu á umræddu tímabili. Ásamt neðangreindu sinnti lögregla almennu eftirliti og ýmsum aðstoðarbeiðnum. Listinn er því ekki tæmandi.
Lögreglustöð 1
- Lögregla boðuð í matvöruverslun vegna þjófnaðar. Málið afgreitt á vettvangi.
- Tilkynnt um rán við verslunarmiðstöð þar sem ungmenni rændu annað ungmenni. Veittust tveir einstaklingar að einum og slógu með áhaldi. Málið í rannsókn.
- Tveir einstaklingar handteknir grunaðir um húsbrot. Báðir víðáttuölvaðir og ekki skýrsluhæfir og því vistaðir í fangaklefa þar til unnt sé að taka af þeim skýrslu. Þá eru sömu einstaklingar grunaðir um að samskonar brot fyrr um daginn.
- Tilkynnt um einstakling með öxi við skemmtistað að veitast að fólki. Sá farinn er lögregla kom á vettvang. Leitað var í nágranni án árangurs.
- Óskað aðstoðar lögreglu við að vísa óvelkomnum einstaklingi út af ölhúsi.
- Tilkynnt um einstakling í annarlegu ástandi, ber að ofan og skólausan að halda vöku fyrir fólki með öskrum og látum. Hann ósamvinnufús og viðskotaillur er lögregla gaf sig á tal við hann. Vistaður í fangaklefa þar til unnt sé að taka af honum skýrslu.
- Óskað aðstoðar lögreglu vegna einstaklings í félagslegu úrræði sem var sagður ógnandi með stunguvopn meðferðis. Í ljós kom að um misskilning var að ræða og málið leyst á vettvangi.
- Ökumaður bifreiðar stöðvaður við almennt umferðareftirlit. Í viðræðum við ökumann grunuðu lögreglumenn að sá væri undir áhrifum ávana- og fíkniefna sem síðar reyndist vera. Ökumaðurinn var einnig sviptur ökuréttindum. Laus að lokinni sýnatöku.
- Tilkynnt um eld í fjölbýlishúsi. Lögregla og slökkvilið boðað á vettvang. Vettvangsvinna enn í gangi er þetta er ritað.
Lögreglustöð 2
- Óskað aðstoðar lögreglu vegna hugsanlegs fjármunabrots þar sem einstaklingur hafði notað greiðslukort í eigu annars án leyfis. Málið í rannsókn.
- Ökumaður bifreiðar stöðvaður við almennt umferðareftirlit. Ökumaður reyndist vera að aka án gildra ökuréttinda.
- Ökumaður bifreiðar stöðvaður við almennt umferðareftirlit. Ökumaður reyndist vera að aka sviptur ökuréttindum.
- Ökumaður bifreiðar stöðvaður við almennt umferðareftirlit. Í viðræðum við ökumann grunuðu lögreglumenn að sá væri undir áhrifum ávana- og fíkniefna sem síðar reyndist vera. Ökumaðurinn var einnig sviptur ökuréttindum. Þá reyndist hann hafa meðferðis í bifreið sinni ætluð fíkniefni. Laus að lokinni sýnatöku.
Lögreglustöð 3
- Tilkynnt um þjófnað á skráningarnúmerum bifreiðar. Málið í rannsókn.
- Tilkynnt um samkvæmishávaða. Húsráðanda gert að lækka.
- Óskar eftir lögreglu vegna skemmdarverka á nokkrum ferðavögnum. Málið í rannsókn.
- Tilkynnt um óvelkominn einstakling í verslunarmiðstöð. Sá gat ekki framvísað skilríkjum eða veitt upplýsingar um hver hann væri er lögregla óskaði eftir því og því handtekinn. Vistaður í fangaklefa í þágu rannsóknar málsins.
- Ökumaður bifreiðar stöðvaður við almennt umferðareftirlit. Í viðræðum við ökumann grunuðu lögreglumenn að sá væri undir áhrifum ávana- og fíkniefna sem síðar reyndist vera. Laus að lokinni sýnatöku
Lögreglustöð 4
- Óskað eftir aðstoð lögreglu vegna líkamsárásar. Minniháttar áverkar á brotaþola og málið í rannsókn.
Umræða
