Lögreglan á Norðurlandi vestra fékk tilkynningu í gærkvöld um bruna og húsbrot á Sauðárkróki. Frá þessu greinir á vef Vísis í morgun. Í framhaldinu var maður handtekinn grunaður um íkveikju í hjólhýsi og innbrot í hús og bíla í bænum.
Þetta staðfestir Sigurður Hólmar Kristjánsson, settur lögreglustjóri á Norðurlandi vestra, í samtali við fréttastofu rúv. Hann segir ekki hægt að veita upplýsingar að svo stöddu hvort skemmdir hafi verið unnar á húsnæði eða bílum sem brotist var inn í eða hvort einhverju hafi verið stolið.
Hann segir yfirheyrslur enn í gangi og rannsókn enn á frumstigi. Meðal þess sem er til skoðunar er hve mörg hús maðurinn hafi brotist inn í.
Umræða
