Hugleiðingar veðurfræðings
Nokkrar lægðir fara framhjá landinu næstu daga og bjóða upp á sígilt haustveður.
Í dag verður suðlæg átt 8-15 m/s og skúrir, en líkur á stöku eldingum á sunnanverðu landinu. Áfram verður úrkomulítið á Norðurlandi. Milt í veðri.
Dregur úr vindi og skúrum á morgun, en hvessir seinnipartinn og fer að rigna hressilega. Búast má við talsverðri eða mikilli úrkomu sunnantil undir kvöld og um nóttina. Á Norðurlandi er yfirleitt þurrt, en rigning af og til um kvoldið. Hiti 9 til 14 stig.
Á föstudag er útlit fyrir sunnan hvassviðri eða storm um tíma. Gott að hugsa að ganga frá lausum munum í görðum til að forðast tjón. Víða rigning en aftur á móti talsverð eða mikil úrkomu á suðaustanverðu landinu. Hiti 7 til 12 stig.
Laugardagurinn lítur skár út með hægari vindi og minni rigningu, en hvessir aftur á sunnudag með einni gusu í víðbót. Hiti yfirleitt 9 til 14 stig.
Spá gerð: 24.09.2025 06:48. Gildir til: 25.09.2025 00:00.
Gul viðvörun vegna veðurs: Höfuðborgarsvæðið, Suðurland, Faxaflói, Breiðafjörður, Norðurland eystra, Austurland að Glettingi, Austfirðir, Suðausturland, Miðhálendi og Strandir og norðurland vestra
Veðurhorfur á landinu
Suðaustlæg átt 8-15 með skúrum sunnan- og vestantil í kvöld ásamt líkum á eldingum, en hægari vindur og skýjað með köflum á Norðurlandi. Suðlæg átt 10-18 norðvestantil og á Vestfjörðum í fyrramálið, en 8-15 austantil. Dregur úr vindi seinnipart morgundags, en bætir aftur í vind sunnantil annað kvöld með samfeldri rigningu, fyrst syðst. Útlit fyrir mikla rigningu suðaustanlands. Hiti 9 til 15 stig, mildast norðan heiða. Spá gerð: 24.09.2025 15:16. Gildir til: 26.09.2025 00:00.
Veðurhorfur á landinu næstu daga
Á föstudag:
Suðaustan 13-23, hvassast suðvestan- og austantil. Talsverð eða mikil rigning, einkum á suðaustanverðu landinu, en úrkomuminna norðaustanlands. Dregur úr vindi og úrkomu um kvöldið. Hiti 11 til 17 stig.
Á laugardag:
Suðlæg átt 5-13 og skúrir eða rigning, en bjart á Norður- og Austurlandi. Hiti 8 til 13 stig.
Á sunnudag:
Suðlæg átt og rigning eða skúrir, en þurrt að mestu norðaustantil. Vaxandi suðaustanátt síðdegis og bætir í úrkomu. Talsverð eða mikil úrkoma sunnantil um kvöldið. Hiti breytist lítið.
Á mánudag:
Suðlæg átt og talsverð rigning, einkum á Suðausturlandi, en lengst af þurrt á Norðausturlandi. Dregur úr úrkomu seinnipartinn. Milt í veðri.
Á þriðjudag:
Útlit fyrir áframhaldandi suðlægar áttir með vætu, einkum sunnan- og vestantil á landinu. Heldur svalara, einkum norðvestantil. Spá gerð: 24.09.2025 09:53. Gildir til: 01.10.2025 12:00.
