Hér eru helstu atriði úr dagbók LRH frá kl.17-05. Þegar þetta er ritað er einn vistaður í fangageymslu lögreglu. Alls eru 30 mál skráð í kerfinu á umræddu tímabili. Ásamt neðan greindu sinnti lögregla almennu eftirliti og ýmsum aðstoðarbeiðnum. Listinn er því ekki tæmandi.
Lögreglustöð 1
- Tilkynnt um umferðarslys þar sem ökumaður bifreiðar hafði ekið niður fjölda umferðarskilta. Haft upp á ökumanni og hann færður á lögreglustöð til viðræðna. Laus að því loknu. Mál í rannsókn.
- Tilkynnt um aðila að valda ama og ónæði á heilbrigðisstofnun. Var aðilinn í annarlegu ástandi og var hann handtekinn og vistaður í fangklefa sökum þess.
- Tilkynnt um eignarspjöll á bifreið. Mál í rannsókn.
- Skráningarmerki fjölda bifreiða fjarlægð af lögreglu sökum skorts ýmist á aðalskoðun eða vá tryggingu.
- Almennt eftirlit.
Lögreglustöð 2
- Ökumaður stöðvaður við akstur fyrir að aka án ökuréttinda. Umferðarskýrsla rituð á vettvangi.
- Aðili óskar eftir aðstoð lögreglu. Áður en aðilinn er færður til viðræðna í lögreglubifreið finnst stærðarinnar hnífur í fórum hans. Hnífurinn haldlagður og aðilinn kærður fyrir vopnalagabrot.
- Almennt eftirlit.
Lögreglustöð 3
- Tilkynnt um eld í bifreið. Ekki var um að ræða mikinn eld og gekk vel að ráða niðurlögum eldsins. Mál í rannsókn.
- Almennt eftirlit.
Umræða
